ەپيدماۋسىمنىڭ باستالۋىنا وراي قولايسىز ەلدى مەكەندەردە اسا قاۋىپتى جۇقپالى اۋرۋعا قارسى ەنتومولوگ مامانداردان تۇراتىن 3 ارنايى جۇمىسشى توپ زوولوگيالىق بارلاۋ جۇمىستارىن جۇرگىزدى. ەپيدەميولوگيالىق جاعداي ءالى دە تۇراقسىز. قىزىلوردا قالاسى, قارماقشى, سىرداريا, شيەلى اۋداندارى بويىنشا وشاقتار بەلسەندىلىگىنىڭ ارتۋى بايقالۋدا. «وسى جىلى 288 تۇرعىن كەنە شاعۋ بويىنشا مەديتسينالىق كومەككە جۇگىنگەن, بۇل بىلتىرعى جىلدىڭ وسى مەرزىمىمەن سالىستىرعاندا 30 جاعدايعا كوبەيگەن. كونگو-قىرىم گەمورراگيالىق قىزباسىنىڭ 11 فاكتىسى تىركەلدى. اتاپ ايتقاندا, قارماكشىدا – 1, سىرداريا, شيەلى اۋداندارىندا-3 جاعدايدان جانە قىزىلوردا قالاسىندا 4 دەرەك», – دەدى ءاليا مۇتالىپقىزى.
ايتا كەتۋ كەرەك, بۇگىندە وبلىستاعى مەديتسينالىق مەكەمەلەردە كقگق-مەن اۋىراتىن ناۋقاستاردى ەمدەۋ ءۇشىن ۆيرۋسقا قارسى پرەپاراتتار, يممۋندالعان پلازما جانە ت.ب. قاجەتتى قۇرال-جابدىقتار قورى جەتكىلىكتى.دەگەنمەن, ەپيدماۋسىمنىڭ باستالعانىنا قاراماستان تۇرعىندار مال شارۋاشىلىعىمەن اينالىسقاندا ساقتىق شارالارىنا ءمان بەرمەيدى, كەنە شاعۋ جاعدايىندا دەر كەزىندە مەيتسينالىق كومەككە جۇگىنبەۋ سالدارى اسا اۋىر جاعدايعا سوقتىرۋى مۇمكىن. ءار ادام ءوز دەنساۋلىعىنا بارىنشا مۇقيات بولۋى ءتيىس.
