ساياسات • 27 شىلدە، 2021

باسەكەلەستىك ءباسى باسىم

16 رەت كورسەتىلدى

بۇل سايلاۋ ءبىراۋىزدان باسەكەلەستىككە تولى بولدى دەپ ايتا الامىن. راسى­مەن، وسى سايلاۋدا ءوزىن ءوزى ۇسىنعان ازاماتتار دا بارشىلىق. پار­تيا­دان دا ۇمىتكەرلەر سانى جەتكىلىكتى. ءتىپتى باسقا سايلاۋلارعا قاتىسپاعان جالپىۇلتتىق سوتسيال-دەموكراتيالىق پارتيادان دا كانديداتتار بولدى.

2000 ازامات وزدەرى سايلاۋعا قاتىسۋ­عا ۇسىنىس ءبىلدىردى. مۇنىڭ قانداي ناتيجە ەكەنىن تۇسىنەسىز عوي. ماسەلەن، قاراعاندى وبلىسىندا 75 اكىم سايلاۋ كەرەك بولدى. ولار 257 كانديداتتىڭ ىشىنەن سايلاندى. Nur Otan  پارتياسىنان 56 اكىم، «اۋىل» پارتياسىنان 3 اكىم، «اق جول» پارتياسى مەن Adal پارتياسىنان 1 اكىمنەن سايلاندى. بۇل وبلىستا ءوزىن ءوزى ۇسىنعان 178 ازاماتتىڭ 14-ءى سايلان­دى.

تاعى ءبىر ەسكەرەتىن جايت، «بار­لى­عىنا قارسىمىن» دەگەن داۋىس از بولدى. قۇقىق بۇزۋ مەن ءتارتىپ بۇزۋ دا از تىركەلدى. بۇل دا قۋانتاتىن جايت.

Nur Otan پارتياسىنان كانديدات سانى كوپ بولدى. ناتيجەلەرى دە باسىم بولادى دەپ ويلايمىن. شامامەن 75 پايىزعا يە بولۋى مۇمكىن. ال 25 پا­يىز باسقا پارتيا وكىلدەرى مەن ءوزىن ءوزى ۇسىنعاندارعا  تيەسىلى.

بۇرىن بولعان جاعدايمەن سالىس­تىرساق، بۇل سايلاۋ الدەقايدا جاقسى ناتيجە كورسەتىپ وتىر. ءبىر ماسەلە – ورتالىق سايلاۋ كوميسسياسىنىڭ اق­پاراتتى جيناماۋىندا. بۇل ورتاق اقپارات بولماۋىنا الىپ كەلەدى. ساياساتتانۋشىلار دا، جۋرناليستەر دە وزدەرىنە قاجەت اقپاراتتى الا المايدى. ءار وبلىس جەكە اقپارات جيناپ، جەكە ستاتيستيكا جاسايدى. ودان كەيىن مۇنىڭ بارلىعىن جيناۋ كەرەك. بىلاي قاراساڭىز، بارلىق وبلىستىڭ اقپاراتىن جيناپ وتىرۋ دا وڭاي شارۋا ەمەس. الداعى ۋاقىتتا بۇل ولقىلىقتىڭ ورنى تولادى دەگەن ۇمىتتەمىز.

 

مارات شيبۇتوۆ،

ساياساتتانۋشى

 

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار