ساياسات • 27 شىلدە، 2021

اۋىل تىرشىلىگى جاندانادى

50 رەت كورسەتىلدى

اۋىلدا قوردالانعان ماسەلەنىڭ كوپ ەكەنى بەلگىلى. وڭىرلەرگە ءىسساپار بارىسىندا تۇرعىندار اۋىزسۋ، جول، ينتەرنەت، ءبىلىم بەرۋ، دەنساۋلىق ساقتاۋ ساپاسى قالاعا قاراعاندا وتە تومەن ەكەنىن ايتىپ جاتىر. سول كەزدەسۋلەردە مەن اۋىلداعى اعايىنعا مەملەكەت باسشىسى قاسىم-جومارت توقاەۆ ۇسىنعان اۋىل اكىمدەرىن سايلاۋ تۋرالى ءوز ويىمدى ايتتىم.

بۇل – ءبىر جاعىنان اۋىل حالقى­نا ءوز تاعدىرىن ءوزى ايقىنداۋعا بەرىلگەن مۇمكىندىك بولسا، ەكىنشى جاعىنان – ۇلكەن جاۋاپكەرشىلىك.

«بۇرىن اۋىلداعى ماسەلەنى نەگە اكىمگە ايتپايسىز دەگەندە ونىڭ جوعارىدان تاپسىرما بول­ماسا، حالىقتىڭ تالابىنا قۇلاق اس­پاي­تىنىن العا تارتاتىنسىزدار. ال بۇدان بىلاي اكىمدى وزدەرىڭىز سايلاپ الاسىزدار. ەندى اكىم جۇمىس ىستەمەي جاتسا، وزگەدەن كورە المايسىزدار. ويتكەنى وزدەرىڭىز داۋىس بەرگەنسىزدەر. ونىڭ جۇمىس ىستەۋىن جاي تۇرعىن رەتىندە عانا ەمەس، داۋىس بەرۋشى رەتىندە تالاپ ەتە الاسىزدار»، دەپ ءتۇسىندىردىم.

ءيا، اۋىلدا سايلاۋ ءوتىپ، حا­لىق­­­تىڭ ساياسي بەلسەندىلىگى ويانسا، ون­­داعى تىرشىلىك تە جاندانادى. «جەر­­گىلىكتى ءوزىن-ءوزى باسقارۋ جۇ­يە­سى­­نە وزگەرىس ەنگىزۋ تالپىنىسىن اۋى­ل­عا دەگەن قامقورلىقتىڭ شى­نا­يى قادامى دەپ قاراستىرۋعا دا بو­لادى. ال سايلاۋدان كەيىن اۋىل­­داردا تىرشىلىكتىڭ جاقسى نە­مە­سە جامان جاعىنا وزگەرۋى ناق­تى ساي­­لانعان اكىمدەرگە بايلانىس­تى بولادى دەپ ەسەپتەيمىن. ىلگەرى كەت­كەندەرى دۇرىس تاڭداۋ جاساعانىن تۇسىنسە، جاعدايى وڭالماعان ەلدى مەكەندەردىڭ حالقى سايلاۋدى ءساتتى وتكىزگەن اۋىلداردان كەلەسى جولى ۇلگى الاتىن بولادى. ويتكەنى ءبىر اكىمدى سايلاعان سوڭ بىرنەشە جىل سونىڭ قۇزىرىندا بولۋ كەرەك دەگەن تالاپ جوق. حالىققا سايلانعان اكىمنىڭ قىزمەتىنە لايىقتىلىعىن داۋىسقا سالۋ قۇقىعى دا بەرىلىپ وتىر. «كوش جۇرە تۇزەلەدى» دە­مەك­شى، بۇل ىستە استە اسىعۋعا بولماي­دى. ويتكەنى ءبىزدىڭ تاڭداعان جولىمىز – رەۆوليۋتسيالىق وزگەرىس ەمەس، ەۆوليۋتسيالىق دامۋ.

«اۋىل» دەموكراتيالىق پار­تيا­­سى­نان 703 ورىنعا بارلىعى 104 كان­ديدات قاتىستى. ۇمىتكەر­لەر­دىڭ ورتاشا جاسى 35-45 ارالى­عىن­دا، 11-ءى – ايەل. سايلاۋ ناتي­جە­لەرى جاقىن كۇندە بەلگىلى بولادى. جەڭىس­كە اۋىلدىڭ تىنىس-تىرشى­لىگى مەن قوردالانعان ماسەلەلەرى­مەن جاق­سى تانىس، سونى شەشۋدە ايان­باي قىزمەت ەتەتىن ۇمىتكەرلەر جەت­سىن دەيمىز.    

 

تولەۋتاي راحىمبەكوۆ،

«اۋىل» حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى

 

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار