ساياسات • 27 شىلدە، 2021

ساياسي رەفورمانىڭ ناقتى كورىنىسى

26 رەت كورسەتىلدى

ساياسي ارەنادا ءبىرىنشى رەت اۋداندىق دەڭگەيدەگى اۋىل، كەنت، قالا اكىم­دەرى­نىڭ تىكەلەي سايلاۋى ءوتتى. رەسپۋب­لي­كانىڭ 14 وبلىسىنىڭ 176 اۋدا­نىندا 730 اۋىل اكىمى سايلانىپ جاتىر، جىلدىڭ اياعىنا دەيىن 775 اكىم سايلانادى دەپ كۇتىلۋدە. بۇل – مەم­لەكەت باسشىسى قاسىم-جومارت توقاەۆ­تىڭ ساياسي رەفورمالارىنىڭ ناقتى، پراكتيكالىق كورىنىسى.

ەلىمىزدە بىرتە-بىرتە ەۆوليۋتسيالىق جولمەن قوعامدىق-ساياسي وزگەرىستەر بولىپ جاتىر. رەسپۋبليكا بويىنشا سايلاۋعا قاتىسۋ ءۇشىن 2 582 ادام كانديدات رەتىندە ۇسىنىلىپ، 2 297-ى (88،9 پايىز) تىركەۋدەن ءوتتى. سايلاۋعا ەلىمىزدە تىركەلگەن بارلىق پارتيا قاتىستى. 878 (38،2 پايىز) ۇمىتكەردى پارتيالار ۇسىندى. كانديداتتاردىڭ باسىم كوپشىلىگى 1 419-ى (61،8 پايىز) – ءوزىن ءوزى ۇسىنۋشىلار. بۇل تۇرعىندار ساي­لاۋ­دى ءوزىنىڭ ازاماتتىق پوزيتسياسىن بىلدىرۋگە مۇمكىندىك بەرەتىن الاڭ رەتىندە قاراس­تى­راتىنىن كورسەتەدى. جالپى، قوعامدىق-ساياسي رەفورمالار ايماقتاردا وتۋگە ءتيىس، ويتكەنى قازاقستان ايماقتاردان تۇرادى.

ەل پرەزيدەنتى قاسىم-جومارت توقاەۆ اتاپ وتكەندەي، «اۋىل اكىمدەرىنىڭ ساي­لاۋى – بىزدەگى دەموكراتيانى دامىتۋداعى ماڭىزدى قادام». بۇل رەفورمالار مەملەكەت اپپاراتىنىڭ اۋدان، اۋىل دەڭگەيىندەگى جاۋاپكەرشىلىكتى جىكتەۋدى جۇيەلەۋى ءتيىس. اتالعان قادام ازاماتتاردىڭ، قوعامنىڭ ساياسي مادەنيەتىن ارتتىرا وتىرىپ، ەلىمىزدە ساياسي پليۋراليزم پرينتسيپتەرىن ارتتىرۋعا سەپتىگىن تيگىزەرى ءسوزسىز. Nur Otan پارتياسى بۇل سايلاۋدىڭ تازا، ادال وتۋىنە مۇددەلى. باتىس الەمىنىڭ قارىشتاپ دامۋىنىڭ باستى تريگگەرىنىڭ ءبىرى – جەرگىلىكتى ءوزىن ءوزى باسقارۋ پرينتسيپتەرى ەكەندىگى بەلگىلى. اۋىل ازاماتتارى اكىمگە داۋىس بەرۋ ارقىلى ءوزىنىڭ بولاشاعىن، اۋىلدىڭ دامۋ جولىن سايلايتىنىن تۇسىنگەندىكتەن، بۇل ناۋقانعا وتە جاۋاپتى كەلدى. بۇل سايلاۋ قازاقستاندا وسى ءوزىن ءوزى باسقارۋ پرينتسيپتەرىنىڭ العىشارتى بولىپ تابىلادى.

تاۋەلسىزدىك العان 30 جىلدىڭ ىشىندە قازاقستان حالقى ءوز اكىمدەرىن تىكەلەي سايلاپ الۋ قۇقىعىنا يە بولىپ وتىر. بۇل – وتە ۇلكەن پروگرەسشىل قادام. ءبىزدىڭ كوز الدىمىزدا تاريحي وقيعا بولدى.

 

ەرلان سايروۆ،

پارلامەنت ءماجىلىسىنىڭ دەپۋتاتى

 

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار