ەلوردا • 26 شىلدە، 2021

نۇر-سۇلتاندا قوعامدىق تاماقتانۋ ورىندارىنىڭ جۇمىس ۋاقىتى قىسقاردى

23 رەت كورسەتىلدى

بۇگىن، ياعني 26 شىلدەدە ەلوردانىڭ باس مەملەكەتتىك سانيتارلىق دارىگەرىنىڭ نۇر-سۇلتانداعى كارانتيندىك شارالاردى قاتاڭداتۋ تۋرالى جاڭا قاۋلىسى كۇشىنە ەندى. ونىڭ نەگىزىندە قالاداعى قوعامدىق تاماقتانۋ نىساندارىنىڭ – ءدامحانالاردىڭ، مەيرامحانالاردىڭ، كوفەحانالاردىڭ جانە اسحانالاردىڭ جۇمىس ءتارتىبى وزگەردى، دەپ حابارلايدى ەلوردا اكىمدىگىنىڭ رەسمي سايتى.

جاڭا قاۋلىعا سايكەس مەيرامحانالار، ءدامحانالار، كوفەحانالار، سول سياقتى اشىق اۋادا جۇمىس ىستەيتىن ورىندار ورنالاسقان جەرىنە قاراماستان، ەندى دۇيسەنبى-جۇما كۇندەرى تاڭعى ساعات 7-دەن 12:00-گە دەيىن جۇمىس ىستەيدى. ال سەنبى جانە جەكسەنبى كۇندەرى جۇمىس ىستەۋىنە تىيىم سالىنادى.

بۇل رەتتە «Ashyq» جوباسى اياسىندا جۇمىس ىستەيتىن مەكەمەلەر دۇيسەنبى-جۇما ارالىعىندا ساعات 07.00-دەن 17.00-گە دەيىن جۇمىس ىستەسە، سەنبى-جەكسەنبى جۇمىس ىستەۋىنە تىيىم سالىنادى. ال تاماقتى جەتكىزۋ جانە وزىمەن بىرگە الىپ كەتۋ شتاتتىق رەجيمدە جۇرگىزىلەدى.

سول سياقتى اسحانالاردىڭ جۇمىس ىستەۋ ۋاقىتى دا وزگەردى. ولارعا كەلۋشىلەردى دۇيسەنبى-جۇما كۇندەرى تاڭعى 7-دەن 17:00-گە دەيىن قابىلداۋعا رۇقسات ەتىلەدى.

ەستەرىڭىزگە سالا كەتەيىك، قر اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا وتىرىسىنىڭ حاتتاماسىنا سايكەس ەلوردانىڭ باس سانيتارلىق دارىگەرىنىڭ كارانتيندىك شارالاردى قاتاڭداتۋ تۋرالى قاۋلىسى قابىلداندى.

سوڭعى جاڭالىقتار

تەڭىز تۇيسىگى

ونەر • كەشە

اڭشىلىق – اسىل ونەر

رۋحانيات • كەشە

ۇقساس جاڭالىقتار