«الماتى وبلىسىنىڭ 47 جاستاعى تۇرعىنى 13 جاسار قىزىن ءولتىردى دەگەن كۇدىكپەن قاماۋعا الىندى. 23 شىلدە كۇنى تالعار قالاسىنداعى جەر ۇيلەردىڭ بىرىنەن زورلىق-زومبىلىق بەلگىلەرى بار 13 جاسار قىزدىڭ دەنەسى تابىلدى. وقيعا ورنىنا كەلگەن جەدەل تەرگەۋ توبى قاجەتتى ءىس-شارالار وتكىزىپ, قىزدىڭ وگەي اكەسىن كۇدىكتى دەپ تانىدى. بەلگىلى بولعانداي, ەر ادام قىزدىڭ اناسىمەن ازاماتتىق نەكەدە تۇرعان ەكەن. جەدەل-ىزدەستىرۋ ءىس-شارالارى بارىسىندا وقيعا ورنىنان جاسىرىنعان كۇدىكتىنى الماتى قالاسىنىڭ اۋماعىندا الماتى وبلىسىنىڭ كريمينالدىق پوليتسيا قىزمەتكەرلەرى ۇستادى», دەدى ش. بەرىكقىزى.
ءىىم وكىلىنىڭ مالىمدەۋىنشە, قازىرگى ۋاقىتتا ۇستالعان ەر ادام ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ امالدارى جۇرگىزىلىپ جاتىر.
