«جۇرەكتەن جۇرەككە» اكتسياسىندا كوپشىلىكتىڭ, ەرىكتىلەردىڭ باستاماسىمەن الەۋمەتتىك جاعدايى تومەن, مۇقتاج وتباسىلارعا جانە جالعىزباستى جاندارعا ماتەريالدىق كومەك كورسەتىلەدى. ازىق-ت ۇلىك سەبەتتەرىندە بالالارعا ارنالعان تاتتىلەر, وتباسىعا قاجەتتى دۇنيەلەر سالىنعان. ءبىزدىڭ ماقساتىمىز – ولاردىڭ ماتەريالدىق جاعدايىن تۇبەگەيلى وزگەرتپەسەك تە, قازىرگىدەي قيىن-قىستاۋ كەزەڭدە از دا بولسا جاقسى كوڭىل-كۇي ءارى قۋانىش سىيلاۋ», دەيدى اكتسيانى ۇيىمداستىرۋشى الپامىس شاريموۆ.
قايىرىمدىلىق اكتسياسىندا 100 بەلسەندى جاس الەۋمەتتىك جاعدايى از قامتىلعان 100 وتباسىعا سىيلىققا تولى قوراپشا تاراتتى.
ايتا كەتەيىك, ەلوردا اكىمدىگىنىڭ باستاماسىمەن نۇر-سۇلتاندا سوڭعى جارتى جىل «قايىرىمدى ىستەر» ۇرانىمەن ءوتىپ جاتىر. «يگى ىستەر» مارافونى اياسىندا ەرىكتىلەر, اكىمدىك قىزمەتكەرلەرى, ەلوردالىق قازاقستان حالقى اسسامبلەياسىنىڭ وكىلدەرى, بيزنەسمەندەر مۇقتاج ازاماتتارعا, ياعني كوپبالالى, الەۋمەتتىك از قامتىلعان جانە ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلارعا, جالعىز باستى زەينەتكەرلەرگە 10 مىڭنان استام ازىق-ت ۇلىك سەبەتىن تاراتتى. ولارعا جان-جاقتى كومەك پەن قولداۋ كورسەتىلدى.
سول سياقتى جاقىندا قۇربان ايت مەرەكەسى كۇندەرى مىڭداعان وتباسىعا قۇرباندىق ەتى ۇلەستىرىلدى.
«يگى ىستەر مارافونى» رەسپۋبليكالىق جوباسى اياسىندا جىل باسىنان بەرى ەلوردادا 300-دەن استام ءتۇرلى فورماتتاعى ءىس-شارا جۇزەگە اسىرىلدى. اتاۋلى الەۋمەتتىك كومەك پەن قولداۋ 66 مىڭنان استام ادامعا كورسەتىلدى.
