ايماقتار • 26 شىلدە، 2021

باتىس قازاقستاندا سايلاۋشىلاردىڭ 81،3 پايىزى داۋىس بەردى

53 رەت كورسەتىلدى

باتىس قازاقستان وبلىسىنىڭ 31 اۋىلدىق وكرۋگىندە اۋىل اكىمدەرىنىڭ سايلاۋى ۇيىمشىلدىقپەن ءوتتى. جەرگىلىكتى ۋاقىتپەن 17.00. ساعاتتا سايلاۋشىلاردىڭ 70 پايىزعا جۋىعى ءوز تاڭداۋىن جاساعان دەپ حابارلايدى Egemen.kz.

«31 اۋىلدىق وكرۋگتىڭ اكىمىن سايلاۋعا بايلانىستى ءبىر ايعا سوزىلعان جۇمىس ءوز مارەسىنە جەتتى. جەرگىلىكتى ساعات 20.00.-دە بارلىق 79 سايلاۋ ۋچاستوگىندا داۋىس بەرۋ توقتاتىلدى. تىركەلگەن بارلىق 38724 سايلاۋشىنىڭ 31478-ءى، ياعني 81،3%-ى سايلاۋ بيۋللەتەنىن الىپ، ءوز تاڭداۋىن جاسادى»، دەپ حابارلادى باتىس قازاقستان وبلىستىق سايلاۋ كوميسسياسىنىڭ توراعاسى عايسا قاپاقوۆ.

حالىقتىڭ سايلاۋ بەلسەندىلىگى جونىندە وبلىس اۋداندارىن تالداپ كورسەك، اقجايىق اۋدانى سايلاۋشىلارىنىڭ 88%-ى، بايتەرەك اۋدانى – 93 پايىز، ءبورلى اۋدانى – 88، بوكەيوردا اۋدانى – 91، جاڭاقالا – 70%، قازتالوۆ اۋدانى – 82 پايىز، قاراتوبە اۋدانى – 85، سىرىم اۋدانى – 89 پايىز، تەرەكتى اۋدانى – 74 پايىز قاتىسقان.

«سايلاۋ كوميسسياسى اتىنان بارلىق سايلاۋشىلارعا العىس ايتامىن. بۇل ءبىزدىڭ ەلدە بولىپ وتىرعان العاشقى سايلاۋ. وسى ناۋقانعا ءوزىنىڭ ازاماتتىق بورىشىن سەزىنىپ، بەلسەندى قاتىسقان اۋىلدىقتارعا ريزاشىلىق بىلدىرەمىز. بۇل سايلاۋعا 363 بايقاۋشى قاتىستى، ولار دا تاڭعى 7-دەن كەشكى 8-گە دەيىن بارلىق 71 سايلاۋ بولىمشەسىن كۇنى بويى قاداعالادى. ولار قازىر داۋىس ساناۋعا قاتىسۋدا. ءبىز سايلاۋدىڭ تولىق ناتيجەسىن 26 شىلدە كۇنى حابارلايمىز»، دەدى عايسا قاپاقوۆ.

ايتا كەتەيىك، باتىس قازاقستان وبلىسىندا 31 اۋىلدىق وكرۋگ اكىمىنىڭ ورنىنا بارلىعى 81 كانديدات باق سىناپ، سايلاۋعا تۇسكەن.

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار