ايماقتار • 25 شىلدە، 2021

جامبىل وبلىسى: شۋ اۋدانىندا 4 سايلاۋ ۋچاسكەسى جۇمىس اتقارۋدا

46 رەت كورسەتىلدى

بۇگىنگى اۋىلدىق وكرۋگ اكىمدەرىن سايلاۋ ناۋقانىندا جامبىل وبلىسى، شۋ اۋدانىنىڭ بەلسەندىلىگى جوعارى بولىپ وتىر. اۋداننىڭ ءوندىرىس، قوراعاتى جانە جاڭاقوعام اۋىلدىق وكرۋگتەرىندە 4 سايلاۋ ۋچاسكەسى جۇمىس اتقارۋدا، دەپ حابارلايدى Egemen.kz.

مۇندا اۋىلدىق وكرۋگتەردىڭ اكىمدىگىنە 9 ۇمىتكەر ۇسىنىلعان. اتالعان 9 كانديداتتى دا ءتۇرلى ساياسي پارتيالار ۇسىنعان. تەك «اۋىل» پارتياسىنىڭ اتىنان تۇسكەن 1 ۇمىتكەر عانا سايلانۋدان باس تارتقان.

بۇگىنگى كۇنگە جاڭاقوعام، قوراعاتى جانە ءوندىرىس اۋىلدىق وكرۋگتەرى بويىنشا 3846 سايلاۋشىلار قاتىسادى دەپ جوسپارلانعان. بۇل سايلاۋ ناۋقانىنا 30 ادام سەنىمدى وكىل بولىپ تىركەلگەن. سونىمەن قاتار، 32 ادام سايلاۋ كوميسسيا مۇشەلەرى بولسا، ونىڭ 29-ى تولىق ۆاكتسيناتسيادان وتكەن. ال، 3 ادام ۆاكتسينانىڭ 1-كومپونەنتىن الىپ، قوسىمشا پتر تەست وتكىزگەن.قازىرگى تاڭدا اۋداندا سايلاۋ جۇمىستارى قارقىندى جالعاسۋدا.

سوڭعى جاڭالىقتار

ۇقساس جاڭالىقتار