قازاقستان • 25 شىلدە، 2021

«بۇگىنگى سايلاۋ ساياسي جاڭعىرۋدىڭ جاڭا كەزەڭىن اشاتىن ءسات» - ەرلان قارين

39 رەت كورسەتىلدى

پرەزيدەنتتىڭ ساياسي ماسەلەلەر جونىندەگى كەڭەسشىسى ەرلان قارين ەلىمىزدە العاش رەت ءوتىپ جاتقان اكىمدەر سايلاۋى تۋرالى پىكىر ءبىلدىردى، دەپ حابارلايدى Egemen.kz.

«بۇگىن قازاقستاندا العاش رەت اۋىل اكىمدەرىنىڭ تىكەلەي سايلاۋى وتۋدە. بۇل – پرەزيدەنت ايتقانداي، ەلىمىزدە ساياسي جاڭعىرۋدىڭ جاڭا كەزەڭىن اشاتىن وتە ماڭىزدى ءسات. مەملەكەت باسشىسى بىلتىرعى جولداۋدا اكىمدەردى تىكەلەي سايلاۋ تۋرالى باستاما كوتەرگەن بولاتىن. ناتيجەسىندە، ونى ۇسىنعاننان باستاپ ناقتى ىسكە اسىرىلعانعا دەيىن ءبىر جىلدان از ۋاقىت ءوتتى»، دەپ جازدى ول Telegram-كانالىندا.

ونىڭ ايتۋىنشا، اۋىل اكىمدەرىن سايلاۋ ازاماتتارعا ءوز ەلدى مەكەندەرىنىڭ دامۋىنا تىكەلەي ىقپال ەتۋگە جاڭا مۇمكىندىكتەر اشادى.

«ولار مەملەكەتتىك باسقارۋ جۇيەسىنىڭ ۇزاق مەرزىمدى جۇمىس قاعيداتتارىن قالىپتاستىرىپ، مەملەكەت پەن قوعام اراسىنداعى ءوزارا قارىم-قاتىناستاردىڭ سيپاتىن ساپالى ەتىپ وزگەرتەدى. سوندىقتان، بۇل سايلاۋ ناۋقانىنىڭ بارىسى ازاماتتار اراسىندا ۇلكەن قىزىعۋشىلىق تۋدىردى»، دەيدى پرەزيدەنت كەڭەسشىسى.

سونداي-اق، ول بۇگىن ءوتىپ جاتقان سايلاۋ ەلدىڭ ساياسي ءورىسىن جانداندىرعانىن، جەرگىلىكتى دەڭگەيدە ساياسي باسەكەلەستىكتىڭ ارتقانىن تىلگە تيەك ەتتى.

«وسى تۇرعىدان العاندا، بارلىق 6 ساياسي پارتيانىڭ ءوز كانديداتتارىن ۇسىنعانى، كوپتەگەن ءوزىن-ءوزى ۇسىنۋشىلار تىركەلگەنى دە ماڭىزدى. قاسىم-جومارت توقاەۆ باستاماشى بولعان ءۇش ساياسي پاكەت شەڭبەرىندەگى بارلىق وزگەرىستەر دايەكتى تۇردە ءىس جۇزىندە ىسكە اسىرىلىپ، قوعامنىڭ سۇرانىستارىنا ساي كەلەدى جانە ەلدىڭ ودان ءارى دەموكراتيالانۋىنا ىقپال ەتەدى»، دەپ جازدى ەرلان قارين.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار