شقو وڭىرلىك كوممۋنيكاتسيالار قىزمەتىندە شىعىس قازاقستان وبلىستىق سايلاۋ كوميسسياسىنىڭ توراعاسى ەرسايىن نابيەۆتىڭ, كوميسسيا توراعاسىنىڭ ورىنباسارى جانار القانوۆانىڭ, سەب دەپارتامەنتى باسشىسىنىڭ ورىنباسارى عالىمبەك ءاليننىڭ, شقو پد اكىمشىلىك پوليتسيا باسقارماسىنىڭ باستىعى ەرنار بازاروۆتىڭ قاتىسۋىمەن بريفينگ ءوتتى.
اۋماقتىق سايلاۋ كوميسسيالارىنىڭ دەرەكتەرىنە سايكەس ساعات 7.00-دە اۋداندىق ماڭىزى بار ءبىر قالادا, التى كەنتتە, 70 اۋىلدىق وكرۋگتە داۋىس بەرۋ باستالدى. قازىرگى ۋاقىتتا وڭىردە 221 سايلاۋ ۋچاسكەسى جۇمىس ىستەپ تۇر.
«سايلاۋشىلاردىڭ سايلاۋ ۋچاسكەلەرىنە كەلۋى تۋرالى قوسىمشا اقپارات نۇر-سۇلتان قالاسىنىڭ ۋاقىتى بويىنشا 10.00, 12.00, 14.00, 16.00, 18.00 جانە 20.00-جاعداي بويىنشا وبلىستىڭ اۋماقتىق سايلاۋ كوميسسيالارىنىڭ عالامتورداعى رەسمي پاراقشالارىندا ۇسىنىلاتىن بولادى. سايلاۋشىلاردىڭ الدىن الا كەلۋى تۋرالى اقپارات 21.00-دە جاريالاناتىن بولادى», دەدى ەرسايىن نابيەۆ.
سايلاۋ ۋچاسكەلەرىندە قوعامدىق ءتارتىپتى قامتاماسىز ەتۋ ءۇشىن شقو پوليتسيا دەپارتامەنتىنىڭ ساقشىلارى قىزمەتتەرىنە كىرىستى. اكىمشىلىك پوليتسيا باسقارماسىنىڭ باستىعى ەرنار بازاروۆتىڭ ايتۋىنشا, ءاربىر سايلاۋ ۋچاسكەسىندە كەزەكشىلىكتى قامتاماسىز ەتۋ ماقساتىندا 800-دەن استام پوليتسيا قىزمەتكەرى جۇمىلدىرىلدىرىپ, پروكۋراتۋرا قىزمەتكەرلەرى كىرەتىن جەدەل-تەرگەۋ توپتارى قۇرىلعان.
