سپورت • 22 شىلدە، 2021

قازاقستان قۇراماسىنىڭ فورماسى وليمپياداداعى ەڭ ءستيلدى كيىم دەپ تانىلدى

402 رەت كورسەتىلدى

قازاقستان قۇراماسىنىڭ وليمپيادالىق فورماسى توكيو-2020-داعى ەڭ ءستيلدى فورمالاردىڭ ءبىرى دەپ تانىلدى، دەپ حابارلايدى Egemen.kz Forbes-كە سىلتەمە جاساپ.

قازاقستان قۇراماسىنا ارنالعان توكيوداعى وليمپيادا ويىندارىنىڭ فورماسىن دايىنداۋ كەزىندە سپورتشىلارعا ديزاين، ماتالار مەن كيىم ەلەمەنتتەرىن تاڭداۋ قۇقىعى بەرىلگەنىن اتاپ وتكەن ءجون. ەلىمىزدىڭ جەتەكشى سپورتشىلارى قاڭتار ايىنان باستاپ وليمپيادالىق كيىم-كەشەكتەردى، جابدىقتاۋلاردى تاڭداۋعا ارنالعان تالقىلاۋعا، پرەزەنتاتسيالار مەن كەزدەسۋلەرگە قاتىستى.

«قۇراما فورماسىن تىگۋگە ارنالعان ماتالاردى تاڭداۋعا ءبارىمىز قاتىستىق، ەسكيزدەردى تالقىلادىق، ۇسىنىستار جاسادىق. وليمپيادا ويىندارىندا فورمانىڭ تەك سىرتقى ءتۇرى عانا ەمەس، سونىمەن قاتار تيىمدىلىگى دە وتە ماڭىزدى»، دەيدى دزيۋدوشى، ريو وليمپياداسىنىڭ جۇلدەگەرى ەلدوس سمەتوۆ.

قازاقستان قۇراماسىنىڭ وليمپيادالىق فورماسىنىڭ ۇلگىسىن Salta برەندىمەن تانىمال ديزاينەر سالتانات بايمۇحامەدوۆا پىشىندەپ، تىكتى. قازاقستاندىق اتلەتتەر ءۇشىن سپورتتىق فورمانى يسپاندىق Joma كومپانياسى جاسادى.

«وليمپياداعا ارنالعان سالتاناتتى فورمانىڭ ديزاينىن قۇراستىرۋ جۇمىسى ماعان سەنىپ تاپسىرىلعانىنا قۋانىشتىمىن. بۇعان مەنى وليمپياداشىلاردىڭ وزدەرى شابىتتاندىردى. ولار بۇل فورمانى وليمپيادا ويىندارىنان كەيىن دە كيىم كيگىسى كەلەتىنىن ايتتى. وتاندىق ديزاينەر رەتىندە توكيودا ءبىزدىڭ سپورتشىلاردىڭ پروگرەسسيۆتى جانە زاماناۋي كورىنۋىن قالادىم. الەمدىك ترەندتەردى نازاعا الا وتىرىپ، الدىما «سپورت-شيك» ستيلىندەگى كيىم قۇراستىرۋ ماقساتىن قويدىم»، دەدى وليمپيادا فورماسىنىڭ ديزاينەرى سالتانات بايمۇحامەدوۆا.

Forbes.com حابارلاعانداي، قازاقستاندىقتاردىڭ وليمپيادالىق فورماسى توكيو-2020-دا ەڭ ءستيلدى دەپ تانىلدى. بۇل تىزىمگە اقش، رەسەي، ليبەريا، چەحيا، قىتاي، وڭتۇستىك افريكا جانە جاپونيا ەلدەرى دە ەندى.

 

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار