سايلاۋ • 20 شىلدە، 2021

ءبىر ورىنعا – 4 كانديدات

416 رەت كورسەتىلدى

قاراعاندى وبلىسىندا اۋىل اكىم­دەرىن تىكەلەي سايلاۋدى ۇيىمداستىرۋ جۇمىستارى قىزۋ جۇرگىزىلۋدە. وڭىردە سايلاۋعا تۇسۋگە 303 ۇمىتكەر كانديدات رەتىندە رەسمي تىركەلگەن. ونىڭ 87-ءسى ساياسي پارتيالار اتىنان تۇسسە، 216 ۇمىتكەر ءوزىن ءوزى ۇسىنعان. باسەكەلەستىك جاعىنان العاندا قازىرگى جاعداي مىناداي: اۋىل اكىمىنىڭ ورىنتاعىنا دەگەن تارتىس، ورتاشا العاندا، 4،1 ۇمىتكەردىڭ اراسىندا وربىمەك.

جالپى، قاراعاندى وبلىسىندا سايلاۋ وبلىستاعى 75 اۋىلدىق وكرۋگ، اۋىل جانە كەنت بويىنشا وتەدى. بۇل جاۋاپتى ناۋقانعا وبلىستاعى 18 ايماقتىڭ 14-ءى اتسالىسپاقشى.

ايتا كەتەتىن ءبىر جايت، سايلاۋعا تۇسۋگە نيەت بىلدىرگەن ۇمىتكەرلەر ىشىندە 25 كانديدات مەملە­كەتتىك قىزمەتتىڭ بىلىكتىلىك تالاپتارىنا ساي بولماعاندىقتان، ساياسي ءىس-شاراعا قاتىسا المايتىن بولدى. ال توعىز ۇمىتكەر وزدەرى ءوتىنىش بەرىپ، سايلاۋ دوداسىنان باس تارتتى.

بۇگىندە 268 كانديداتتىڭ قۇجاتتارى ارنايى تەكسەرۋگە جىبەرىلگەن. قازىرگى ۋاقىتتا ولار­دىڭ 152-ءسىنىڭ قۇجاتتارى تەكسەرۋدەن ءوتتى. مەملە­كەت­تىك كىرىستەر ورگاندارىنا 268 ۇمىتكەردىڭ قۇجاتى جىبە­رىل­گەن. وسى ورايدا 55 كانديداتتىڭ دەكلا­راتسيا­لىق دەرەكتەرىنىڭ راستىعى تۋرالى جاۋاپ الىنعان.

قازىرگى تاڭدا رەسمي تۇردە تىركەلگەن 268 ۇمىتكەر كۋالىك الىپ، ولاردىڭ اتى-ءجونى سايلاۋ بيۋل­لەتەندەرىنە ەنگىزىلدى. ۇمىتكەرلەردىڭ 226-سى (84%) ەر ادامدار بولسا، ەل باسقارسام دەگەن ايەلدەر قاۋىمىنىڭ ۇلەسى 16%-دى قۇراعان، ياعني نازىك جاندىلار سانى – 42. ايتا كەتۋ كەرەك، سايلاۋعا ءتۇسىپ جاتقان ۇمىتكەرلەردىڭ ءبارى دە جوعارى ءبىلىمدى.

تاعى ءبىر ايتا كەتەتىن قىزعىلىقتى جايت، اۋىل اكىمدەرىنىڭ سايلاۋىنا ءتۇسىپ جاتقان ۇمىت­كەرلەردىڭ قۇرامىندا جەتى ەتنوستىڭ وكىلدەرى بار. كاندي­داتتاردىڭ ورتاشا جاس شاماسى 40،3 جاستى قۇرايدى.

ساياسي پارتيالار اراسىنداعى تارتىس تا قىزۋ بولعالى تۇر. ماسەلەن، ءبىر سايلاۋ ۋچاسكەسىندە Nur Otan، «اق جول» جانە قازاقستان حالىق پارتياسى پارتيالارىنىڭ وكىلدەرى اكىم ورىنتاعى ءۇشىن ءوزارا باسەكەگە تۇسپەكشى.

قاراعاندى وبلىستىق سايلاۋ كوميسسيا­سىنىڭ توراعاسى ەرقارا ايماعام­بەتوۆتىڭ ايتۋىنشا، بۇگىندە اۋماقتىق سايلاۋ كوميسسياسى سايلاۋ تۋرالى زاڭنىڭ ساقتالۋىن قاداعالاۋ، داۋىس بەرۋ كۇنىندە سايلاۋشىلارعا قىزمەت كورسەتۋ، ولاردىڭ ءتىزىمىن انىقتاۋ جانە ەڭ باستىسى – وڭىردەگى سانيتارلىق-ەپيدەميالىق جاعدايدى ەسكەرە وتىرىپ، سايلاۋ ۇدەرىسىنە قاتىسۋشىلاردىڭ دەنساۋلىعىن قورعاۋدى قامتاماسىز ەتۋ بويىنشا شارالاردى قابىلداۋ جونىندە ۋچاسكەلىك كوميسسيالاردى وقىتۋ جۇمىستارىن ۇزدىكسىز جۇرگىزىپ كەلەدى ەكەن.

قاراعاندى وبلىسىندا اۋىل اكىمدەرىنىڭ العاشقى تىكەلەي سايلاۋى 25 شىلدەدە وتەدى. بۇل ماڭىزدى ءىس-شارا ءوڭىردىڭ 149 ەلدى مەكەنىن قامتيدى. ياعني سايلاۋشىلار الدىندا 75 اۋىلدىڭ اكىمىن تاڭداۋ مىندەتى تۇر.

وبلىستىق سايلاۋ كوميسسياسىنىڭ تور­اعا­سى حاباردار ەتكەندەي، وڭىردە بولاشاق اۋىل اكىمىن تاڭداۋ ناۋقانىنا 81 مىڭنان استام سايلاۋشى داۋىس بەرە الادى ەكەن. ساي­لاۋدى وتكىزۋگە 164 سايلاۋ كوميسسياسى – 15 اۋماقتىق جانە 149 ۋچاسكەلىك كوميسسيا جۇمىلدىرىلماقشى.

 

قاراعاندى وبلىسى

 

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار