سپورت • 15 شىلدە، 2021

كەلەسى كەزەڭگە شىقتى

31 رەت كورسەتىلدى

فۋتبولدان چەمپيوندار ليگاسىنىڭ 2021/22 جىلعى ماۋسىمىنىڭ ىرىكتەۋ كەزەڭىنە قاتىسىپ جاتقان الماتىنىڭ «قايراتى» كەلەسى اينالىمعا جولداما الدى. ءتۋرنيردىڭ ءبىرىنشى ىرىكتەۋ كەزەڭىندە ءيزرايلدىڭ «ماككابي» (حايفا) كلۋبىمەن كەزدەسكەن «قايرات» ەكى ويىن قورىتىندىسى بويىنشا 3:1 ەسەبىمەن جەڭىسكە جەتىپ، جارىستى ءارى قاراي جالعاستىرۋعا مۇمكىندىك الدى.

سىرت الاڭداعى ويىندا الما­تىلىقتار 1:1 ەسەبىمەن تەڭ ءتۇسىپ، ەلگە جاقسى كوڭىل كۇيمەن ورالعان-دى. اراعا اپتا سالىپ الماتىداعى ورتالىق ستاديوندا وتكەن قارىم­تا كەزدەسۋدە بىلتىرعى ەل چەم­پيون­دارى يزرايلدەن كەلگەن قارسىلاستارىنىڭ قاقپاسىنا جاۋاپسىز ەكى گول سالىپ، «ماك­كابيدى» اقىرى تىزە بۇكتىردى. ءسوي­تىپ الما­تىلىق ۇجىم حايفا كومان­داسىنان بىلتىرعى ەسەسىن قايتاردى. ەستە­رىڭىزدە بولسا، «قايرات» ەۋروپا ليگاسىنىڭ بىلتىرعى ماۋسىمىندا ءدال وسى «ماككابيمەن» كەزدەسىپ، 2:1 ەسەبىمەن جەڭىلىپ قالعان بولاتىن. جالپى، «قايراتتىڭ» يزرايل كوماندالارىمەن كەزدەسسە، جەڭىلە بەرەتىن ءساتسىز ستاتيس­تيكاسى بار ەدى. ماسەلەن، بۇعان دەيىنگى ەۋروكۋبوك باسەكەلەرىندە اتالعان ەلدىڭ كومانداسىمەن ءۇش مارتە جولىعىپ، ۇشەۋىندە دە قارسىلاستارىنا جول بەرگەن ەدى. وسىلايشا «قايراتتىڭ» ەۋ­روپا ليگاسىنداعى ساتسىزدىگى چەم­­پيوندار ليگاسىنا كەلگەندە توقتادى.

الماتىنىڭ ورتالىق ستاديو­نىنداعى قارىمتا كەزدەسۋدىڭ العاشقى مينۋتتارىندا حايفادان كەلگەن قوناقتار بەلسەندىلىك تانىتىپ، ويىن تىزگىنىن ءوز قولدارىنا الۋعا تىرىستى. ويتكەنى جارىس ەرەجەسى بويىنشا كەلەسى كەزەڭگە تەك جەڭىمپاز كوماندا عانا وتەدى. سوندىقتان «ماككابي» مەيلىنشە ويىن تاعدىرىن نەگىزگى ۋاقىتتا شەشىپ تاستاۋدى كوزدەگەن ەدى. ويىنداعى العاشقى قاۋىپتى شابۋىلدى دا يزرايلدەن كەلگەن فۋتبولشىلار جاسادى. 8-مينۋتتا ومەر اتسيلي ارىپتەسىنىڭ اۋەلەتە اسىرعان پاسىنا ءبىرىنشى جەتىپ، ستاس پوكاتيلوۆ قورعاعان قاقپاعا باسپەن جويقىن سوققى جاسادى. ابىروي بولعاندا دوپ قاقپا باعانىنان ءسال جوعارى ۇشىپ، ەسەپ وزگەرىسسىز قالدى. ارادا ەكى مينۋت وتكەن سوڭ الاڭ قوجايىندارى قاۋىپتى شابۋىلدىڭ قارىمتاسىن قايتارىپ قانا قوماي، گول سوعۋعا مۇمكىندىك الدى. كەزدەسۋدىڭ 10-مينۋتىندا الاڭ ورتاسىنان شابۋىل ۇيىمداستىرعان نەبويشا كوسوۆيچ ايىپ الاڭىندا تۇرعان ارتۋر شۋشەناچەۆكە ءدال پاس بەردى. ۇزىن بويلى شابۋىلشى دوپتى كەۋدەسىمەن توسىپ، ۆاگ­نەر لاۆقا گول سوعاتىن تاماشا مۇم­كىندىك جاساپ بەردى. 37 جاس­تاعى تاجىريبەلى شابۋىلشى ءوز مۇمكىندىگىن ءمۇلت جىبەرمەدى. ەسەپ – 1:0. ءبىرىنشى تايمنىڭ سوڭىنا تامان ۆاگنەردە ەسەپتى ەسەلەي تۇسەتىن تاعى ءبىر وڭتايلى ءسات بولعان. بىراق برازيليالىق فۋتبولشىنىڭ سوققىسىن «ماككابي» قاقپاشىسى دجوش كوەن قايتارا ءبىلدى.

ەكىنشى تايمدى ەكى كلۋبتىڭ ويىنشىلارى دا بەلسەندى باس­تادى. «ماككابي» ءۇشىن ەرتەرەك ەسەپتى تەڭەستىرىپ الۋ ما­ڭىزدى بول­سا، «قايراتقا» تاعى ءبىر گول سوعىپ، كەلەسى كەزەڭنىڭ ما­سەلەسىن مەرزىمىنەن بۇرىن شە­شۋ ماڭىزدى ەدى. 65-مينۋتتا قوناقتار ساپىنان گودسۆەي دونوح تارازى باسىن تەڭەستىرەتىن مۇمكىندىگىن پايدالانا المادى. ستاس پوكاتيلوۆ تاماشا سەيۆ جا­ساپ، قاقپاسىن گولدان امان ساق­تاپ قالدى. ارادا ءبىر مينۋت وتكەندە قارسى شابۋىلعا شىققان «قايرات» اقىرى ءوز دەگەنىنە جەتتى. ۆاگنەر لاۆتىڭ پاسىن قارسىلاس كوماندانىڭ قورعاۋشىلارى قاي­تارامىن دەپ ابايسىزدا دوپتى ءدال ايبول ابىكەننىڭ اياعىنا سالىپ بەردى. ايبول اۋەدەگى دوپتى جەرگە تۇسىرمەي تەۋىپ، قاقپا تورىندا تۋلاتتى. ماتچ سوڭىنا دەيىن ەكى كلۋب­تا دا گول سوعاتىن بىرنەشە مۇم­كىندىك بولعان. الايدا قاقپا­شىلاردىڭ قىراعىلىعىنىڭ ارقاسىندا تابلوداعى ەسەپ وزگە­رىسسىز قالدى.

وسىلايشا «قايرات» ءوز تاريحىندا يزرايل كومانداسىن ءبىرىنشى رەت جەڭىپ، ەۋرودودا جا­­رىسىنىڭ كەلەسى كەزەڭىنە شىق­­تى. ەندى الماتىلىق ۇجىم چەمپيوندار ليگاسىنىڭ ەكىنشى ىرىكتەۋ كەزەڭىندە سەربيا چەمپيونى «تسرۆەنا زۆەزدا» كومانداسىمەن كەزدەسەدى. العاشقى ويىن 20 شىلدەدە الماتىدا وتسە، جاۋاپتى كەزدەسۋ 27 شىلدە كۇنى بەلگرادتا وينالادى. «قايرات» بۇعان دەيىن ەۋروپا ليگاسىنىڭ ىرىكتەۋ كەزەڭىندە سەربيالىق كوماندامەن 4 رەت كەزدەسىپ، ونىڭ ۇشەۋىندە جەڭىسكە جەتكەن. سوڭعى رەت ەكى كلۋب جاسىل الاڭدا 2015 جىلى جولىققان. سىرت الاڭداعى ءبىرىنشى ويىندا «قايرات» 2:0، الماتىداعى باسەكەدە 2:1 ەسەبى­مەن باسىم تۇسكەن.

«قايرات» ءبىرىنشى اينالىمداعى جەڭىسىنىڭ ارقاسىندا 331 000 اقش دوللارى كولەمىندە تابىس تاپتى. ال ەكىنشى كەزەڭگە وتكەنى ءۇشىن الماتىلىق كلۋب تاعى 450 000 دوللار قارجى الادى.

ايتا كەتەيىك، كونفەرەنتسيا لي­گاسىندا ونەر كورسەتەتىن قازاق­ستاننىڭ ءۇش كلۋبى جارىس­تارىن 22 شىلدەدە باستايدى. ال­عاش ەلوردانىڭ «استاناسى» گرە­كيانىڭ «اريسىمەن» كەزدەسسە، كەيىننەن قاراعاندىنىڭ «شاح­تەرى» رۋمىنيانىڭ «ستياۋا­سى­مەن» وينايدى. ال قازاقستان بىرىنشىلىگىنىڭ كۇمىس جۇلدەگەرى «توبىل» حورۆاتيالىق «حايدۋك» كلۋبىمەن باق سىنايدى.

كونفەرەنتسيا ليگاسىنىڭ ەرەجەسى بويىنشا، ەكى ويىن قورى­تىندىسى بويىنشا جەڭىلگەن كوماندا جارىستى سول جەردەن اياقتاپ، ەۋروكۋبوك جارىستارىنان شىعىپ قالادى.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار