ايت كۇندەرى حالىق تاراپىنان مال ساتىپ الۋعا دەگەن سۇرانىس ارتادى. وسى رەتتە باس ءمۇفتي ەلىمىزدەگى بارشا شارۋا قوجالىقتارىنىڭ قوجايىندارىن قۇربان ايتتىڭ قۇرمەتىنە مال قۇنىن شارىقتاتپاي, حالىققا وڭتايلى باعانى ۇسىنۋعا شاقىردى.
«مال باعاسىن قاداعالاۋ قۇزىرەتىمىزگە جاتپايدى. دەگەنمەن, قۇربان ايت قارساڭىندا قاراپايىم حالىققا قول جەتىمدى بولۋ ءۇشىن جەرگىلىكتى جەردەگى كاسىپكەرلەرگە ءتۇسىندىرۋ جۇمىستارى جۇرگىزىلۋدە. قازىرگى كەزدە بىرنەشە كاسىپكەر ءبىر باعانى بەكىتىپ, قولداۋ كورسەتۋدە. سايتتا ونلاين قۇربان شالۋ قاي جەردە قانداي باعامەن وتكىزىلەتىنى تۋرالى اقپارات ۇسىنىلعان», دەدى باس ءمۇفتي جۋرناليستەردىڭ ساۋالىنا بەرگەن جاۋابىندا.
سونىمەن قاتار, ناۋرىزباي قاجى تاعان ۇلى كاسىپكەرلەردى تۇرعىندار كۇندە تۇتىناتىن الەۋمەتتىك ماڭىزى بار ازىق-ت ۇلىك باعاسىنا مۇمكىندىگىنشە جەڭىلدىك جاساۋعا ۇندەدى.
