قۇربان ايت قارساڭىندا الماتى وبلىسىندا كارانتين كۇشەيتىلەدى

قۇجاتقا سايكەس, COVID-19 كوروناۆيرۋس ينفەكتسياسىنىڭ قازاقستان رەسپۋبليكاسىنىڭ اۋماعىندا, ونىڭ ىشىندە الماتى وبلىسىندا جيىلەۋىنە بايلانىستى, سونداي-اق COVID-19-دىڭ حالىق اراسىندا ودان ءارى تارالۋىن بولدىرماۋ ماقساتىندا الماتى وبلىسى قۇربان ايت مەرەكەسى كەزىندە 19 شىلدەدەن 23 شىلدەگە دەيىن, 16 شىلدەدەن باستاپ كەلەسى شەكتەۋ شارالارى ەنگىزىلدى:

1) مەنشىك نىسانىنا قاراماستان بارلىق ۇيىمداردا, سونداي-اق جەكە ءۇي شارۋاشىلىقتارى مەن مەشىتتەردە ادامداردىڭ جاپپاي جينالۋى سيپاتىندا ءىس-شارالار وتكىزۋگە تىيىم سالىنادى;

2) كولىك قۇرالدارىندا جانە جەكە ءۇي شارۋاشىلىقتارىندا مال ساتۋعا تىيىم سالىنادى;

3) ۆەتەرينارلىق قىزمەتتىڭ رەسمي ۆەتەريناريالىق-سانيتاريالىق قورىتىندىسىن العان مال سويۋ ورتالىقتارى مەن ۋچاسكەلەرىندە (ۆەتەريناريا قىزمەتى بەكىتكەن تىزىمگە سايكەس, مال سويۋ ورىندارى, اۋداندارداعى الاڭدار) مالدى سويۋدى جانە ساتۋدى ۇيىمداستىرۋ;

4) مالدى تەك ۆەتەرينارلىق سەرتيفيكاتپەن جابىق رەجيمدە, تەك تاپسىرىس جانە ۇيگە جەتكىزۋ بويىنشا جۇزەگە اسىرۋ, مال سويدىرتۋعا ادام كەلتىرمەي;

5) بۇكىل وبلىستاعى مال سويۋ پۋنكتتەرىندە مەملەكەتتىك ۆەتەريناريالىق-سانيتاريالىق باقىلاۋ مەن قاداعالاۋدى كۇشەيتۋ;

6) Qurban2021.kz ۆەب-سايتىنا وتىنىشتەر بەرە وتىرىپ, قۇرباندىق شالۋ (قۇرباندىق);

7) حالىققا قۇربان ايت مەرەكەسىن ۇيىمداستىرۋ ماسەلەلەرىن ءتۇسىندىرۋ بويىنشا call-ورتالىقتىڭ جۇمىسىن ۇيىمداستىرۋ;

8) قاجەتتi مولشەردە توڭازىتقىش جابدىقتارىمەن, توڭازىتقىشتارمەن جانە جەكە قورعانۋ قۇرالدارىمەن قامتاماسىز ەتە وتىرىپ, تەز بۇزىلاتىن ونiمدەردi (قۇرباندىققا شالىناتىن مالدىڭ ەتi) مۇقتاج ادامدارعا تاسىمالداۋ جانە ساقتاۋ جونiندەگi سانيتارلىق-ەپيدەميولوگيالىق ەرەجەلەر تالاپتارىن ساقتاۋ;

9) اكىمدىكتەر جانىنداعى ءموبيلدى توپتاردىڭ كۇشەيتىلگەن سانيتارلىق-دەزينفەكتسيالىق رەجيمىنىڭ, ەپيدەمياعا قارسى رەجيم تالاپتارىنىڭ ساقتالۋىن باقىلاۋ.