ماڭعىستاۋ وبلىسى بويىنشا جالپى مەديتسينا قىزمەتكەرلەرىنىڭ سانى 10 مىڭنان اسادى. ونىڭ ىشىندە 9 376 ۆاكتسينا الۋشىلار ساناتىنا كىرەدى. بۇگىندە ەكپە العاندار سانى 7 206 اق حالاتتىنى قۇرايدى. ياعني بۇل كورسەتكىش 77%-عا جەتىپ وتىر.
سوڭعى مالىمەتتەر ءوڭىر تۇرعىندارىنىڭ ۆاكتسينا الۋدا بەلسەندىلىگى ارتقانىن كورسەتتى. ەكپە پۋنكتەرىنە كەلگەندەردىڭ قاتارى كوبەيگەن. مۇنى اقتاۋداعى ەركەمەD ەمحاناسىنىڭ باس دارىگەرى سەرىك قاسىم دا راستادى.
«مىسال رەتىندە ءبىزدىڭ ەمحانامىزدا مەديتسينا قىزمەتكەرلەرىنىڭ 96%-ى ەكپە الدى. جەكسەنبى, سەنبى كۇندەرى دە جۇمىس ىستەپ جاتىرمىز. حالىقتىڭ سانى كۇننەن-كۇنگە ارتىپ جاتىر. قاجەت بولعان جاعدايدا تۇسىندىرمە جۇمىستارىن دا وسى جەردەن جۇرگىزىپ جاتىرمىز. كۇنىنە ەمحانامىزدا 200 ادام ەكپە الۋدا», دەدى ول.
ونىڭ ايتۋىنشا, ەمحانا تاراپىنان قىزمەتكەرلەرى كوپ ەڭبەك ۇجىمدارىنا بارىپ ۆاكتسينالاۋ جۇرگىزۋ قولعا الىنعان. تەك سانيتارلىق نورماعا ساي كەلەتىن ەكپە ورنى جاساقتالۋى كەرەك.
