توتەنشە جاعدايعا وراي 1 ملرد 936 ملن تەڭگە بولىنەتىنى حابارلانىپ وتىر. ونىڭ ءبىر بولىگى وبلىستىق بيۋدجەتتىڭ رەزەرۆىنەن بەرىلسە, قالعانى رەسپۋبليكالىق بيۋدجەتتەن قارالادى. بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا ارال اۋدانىنىڭ اكىمى سەرىك سەرماعانبەتوۆ مالىمدەدى.
اۋدان باسشىسى وڭىردەگى جاعداي جان-جاقتى زەردەلەنگەنىن اتاپ ءوتتى. قۋاڭشىلىققا بايلانىستى اۋدانداعى اۋىلدىق وكرۋگتەر 3 ايماققا ءبولىنىپ, تىزبەسى ازىرلەنگەن. بۇگىندە اۋدانعا 205 822 باس مالعا قاجەتتى 184 640 توننا جەم-ءشوپتىڭ 2190 تونناسى جەتكىزىلىپتى. اۋدان اۋماعىنان 35 مىڭ توننادان اسا ءشوپ جيناۋ كوزدەلسە, وزگە وڭىرلەردەن 146 مىڭ توننا مال ازىعىن الدىرۋ قاراستىرىلىپ وتىر.
اۋدان جاستارىنان 14 جاساق قۇرىلىپ, ولار ءشوپ ورۋ ناۋقانىنا ءوز ۇلەستەرىن قوسۋدا. ولار قازىر قازالى اۋدانىنىڭ قاراشەڭگەل, كولارىق وكرۋگىندە, قارماقشىنىڭ جاڭاجول اۋىلىندا جانە سىرداريا اۋدانىنداعى ن.ءىلياسوۆ, شىركەيلى اۋىلدارىنىڭ شابىندىقتارىندا ەڭبەك ەتىپ جاتىر. سونىمەن قاتار 11 شىلدە كۇنى كورشىلەس اقتوبە وبلىسىنىڭ ىرعىز اۋدانىنداعى جەرگىلىكتى شارۋاشىلىق وكىلدەرىمەن كەزدەسۋدە ءشوپ باعاسىن قولجەتىمدى ەتۋمەن قاتار, شابىندىق جەرلەردى ورۋعا كەلىسىم جاسالدى.
– الداعى ۋاقىتتا سىرداريا وزەنىنىڭ بويىنداعى جايىلىمدىق, شابىندىق, ەگىستىك القاپتارىن سۋلاندىرىپ, اقشاتاۋ, قامىستىباس كولدەرىن تولىقتىرۋ ءۇشىن 8 كانال تازالانباق. 49 ۇڭعىمانىڭ 15-ءىن ىسكە قوسۋ جوسپارلانىپ وتىر. ءشوپ تاسىمالىنا كەتەتىن جانار-جاعارماي شىعىندارى دا ەسەپكە الىندى. اۋداندا كۇننىڭ كۇرت ىسىپ, ءشوپتىڭ شىقپاۋىنان قۇمدى داۋىل كۇشەيىپ, كەيبىر جولدار جابىلىپ قالعان. الەۋمەتتىك نىسانداردىڭ قۇم استىندا قالۋ فاكتىلەرى كەزدەسىپ جاتىر. بۇلاردى رەتكە كەلتىرۋ دە ءىس-شارا جوسپارىنا ەنگىزىلدى, – دەيدى سەرىك ساعيتجان ۇلى.
اۋداندا قۋاڭشىلىق كەسىرىنەن 559 مال ولگەنى انىقتالعان. قاۋىپسىزدىك شارالارىن كۇشەيتۋ ءۇشىن سۋاتتار مەن كول جاعالاۋلارىنا ەرىكتىلەر كومەگىمەن كەزەكشىلىك ۇيىمداستىرىلىپ, ساLL-ورتالىعى ىسكە قوسىلدى. سونداي-اق مالدى بادامەن باعۋ جولعا قويىلىپ, ۆەتەرينارلىق توپتار اۋرۋ مالدارعا تەگىن ەمدەۋ جۇرگىزدى. وسىنداي شارالار مال ءولىمىن توقتاتۋعا سەپتىگىن تيگىزىپ وتىر.
قىزىلوردا وبلىسى
