ينفەكتسيالىق اۋرۋلاردى ەپيدەميولوگيالىق قاداعالاۋ باسقارماسىنىڭ باسشىسى روزا قوجاپوۆانىڭ ايتۋىنشا, ۆاكتسينا العان ادامدار دا اۋىرىپ قالۋى مۇمكىن. الايدا, ۆاكتسينا سالدىرعانداردا اۋرۋ جەڭىلدەۋ وتەدى.
ء«بىز جۇقتىرۋ جاعدايلارى سانىن باقىلاپ وتىرامىز: ۆاكتسينانىڭ ءبىرىنشى دوزاسىن العاندار اراسىندا – 1325 جۇقتىرۋ جاعدايى, ەكى دوزا العاندار اراسىندا – 964 جاعداي تىركەلگەن. سونداي-اق ءبىز ۆاكتسينا سالدىرعاندار اراسىندا اۋرۋدىڭ قالاي وتەتىنىن قاداعالايمىز – اۋرۋحاناعا جاتقىزىلعاندار بار, بىراق ولاردىڭ كوپشىلىگىن ىلەسپە سەبەپتەردىڭ اۋىر بولعانى ءۇشىن اۋرۋحاناعا جاتقىزۋدا», دەدى سپيكەر.
سونىمەن بىرگە روزا قوجاپوۆا ۆاكتسينالاۋ پاسپورتىن ساتىپ الىپ, اۋىر جاعدايدا اۋرۋحاناعا تۇسكەن ناۋقاس تۋرالى ايتىپ بەردى.
«جانساقتاۋ بولىمىنە ءتۇسۋ بويىنشا دا جەكەلەگەن جاعدايلار بولدى. مىسالى ءبىر ادامنىڭ ەكپە سالدىرماي, زاڭنامانى بۇزىپ, ۆاكتسينالاۋ پاسپورتىن العانى بەلگىلى بولدى, ونى ءوزى كوروناۆيرۋس جۇقتىرىپ, جاعدايى اۋىرلاعاندا مويىندادى. ۆاكتسينا العان ناۋقاستاردا جۇقپانىڭ اۋىر ءوتۋى سيرەك, ءتىپتى تومەن كورسەتكىشتە دەۋگە بولادى», دەيدى ر. قوجاپوۆا.
