مينيسترلىك ۇسىنعان مالىمەتكە سايكەس, بيىل 1050 شاقىرىم سۋارۋ جەلىسىن قايتا قۇرۋ جوسپارلانعان.
«بۇگىندە رەسپۋبليكالىق مەنشىكتە ۇزىندىعى 21,5 مىڭ شاقىرىمدى قۇرايتىن 3 298 سۋارۋ جەلىسى بار. ونىڭ ىشىندە 11,9 مىڭ شاقىرىم جەلىنىڭ جاعدايى ناشار. سونىڭ سالدارىنان فەرمەرلەرگە سۋ جەتكىزۋدە شىعىن كوپ. اۋىل شارۋاشىلىعىندا نەگىزگى سۋ تۇتىنۋشى سۋارمالى ەگىنشىلىك سالاسى بولىپ وتىر. وسى ورايدا مەملەكەت باسشىسىنىڭ تاپسىرماسىنا سايكەس ءبىز سۋارمالى جەر كولەمىن 2030 جىلعا دەيىن 1,6 ملن گەكتاردان 3,0 ملن گەكتارعا دەيىن جەتكىزۋىمىز قاجەت. بۇل ماقساتقا جەتۋ ءۇشىن 2019-2020 جىلدارى 1734 شاقىرىمدى قۇرايتىن كانال جوندەلىپ, 111,5 مىڭ گەكتار سۋارمالى جەر اينالىمعا ەنگىزىلدى. بۇل ءوز كەزەگىندە قوسىمشا 22,3 مىڭ جۇمىس ورنىن قۇرۋعا جانە اۋىل شارۋاشىلىعى ءونىمىنىڭ كولەمىن جىل سايىن 94,8 ميلليارد تەڭگەگە ۇلعايتۋعا مۇمكىندىك بەرەدى», دەدى ماعزۇم مىرزاعاليەۆ.
ەكولوگيا ءمينيسترى 41 اپاتتى سۋ قويماسىنىڭ قايتا قالپىنا كەلتىرىلىپ جاتقانىن حابارلادى. 2017-2019 جىلدارى 10 نىسان پايدالانۋعا بەرىلسە, وتكەن جىلى 2 نىسان دايىن بولعان. ال بيىل 8 سۋ قويماسىن قايتا قالپىنا كەلتىرۋ جۇمىسىن اياقتاۋ جوسپارلانۋدا.
قالعان 21 نىسان بويىنشا جوندەۋ جۇمىستارى 2025 جىلعا دەيىن جۇزەگە اسىرىلاتىنى بەلگىلى بولدى.
