الەۋمەتتىك جەلىلەردە ج.التىنباەۆتىڭ داۋىسى جازىلعان اۋديوماتەريال تاراپ جاتىر. وندا شەندى پوليتسەي بۇرىن ءوزىنىڭ قالاي جۇمىس ىستەگەنىن, باستىقتارىنىڭ تاپسىرمالارىن قالاي ورىنداعانىن, بۇيىرقتى ورىنداۋ ماقساتىندا قوي تاراتۋعا دەيىن بارعانىن ارىپتەستەرىنىڭ الدىندا ايتادى. الايدا, «جول كورسەتكەن» باستىقتارىنىڭ ءسوزىن پوليتسيا قىزمەتكەرلەرى ديكتوفونعا جازىپ الىپ, كوپشىلىككە تاراتىپ جىبەرگەن. ەندى اتالعان جاعدايعا قاتىستى تەكسەرۋ جۇرگىزىلمەك.
«الماتى وبلىسى پوليتسيا دەپارتامەنتى بۇل جاريالانعان ماتەريال بويىنشا تالداۋ وتكىزگەنى جايىندا حابارلايدى. وسىعان بايلانىستى, الماتى وبلىسى پد وزىندىك قاۋىپسىزدىك باسقارماسى اۋديوجازباداعى داۋىس يەسىن انىقتاۋ ءۇشىن فونوسكوپيالىق ساراپتاما تاعايىنداپ, قىزمەتتىك تەكسەرۋدى باستادى. سونىمەن قاتار لاۋازىمدى تۇلعانىڭ جاريالانعان فوتوسۋرەتى اپتا سايىن بولىمشە باسشىلىعىمەن وتكىزىلەتىن تىكەلەي ەفيرلەردىڭ Instagram كونتەنتىنەن الىنعانىن حابارلايمىز.تەكسەرۋ ناتيجەلەرى بويىنشا لاۋازىمدى تۇلعانىڭ ءىس-ارەكەتتەرىنە زاڭدى تۇردە باعا بەرىلەتىن بولادى», دەدى الماتى وبلىستىق پد ءباسپاسوز قىزمەتى.
قىزمەتتىك تەكسەرۋ شەڭبەرىندە ەڭبەكشىقازاق اۋدانىنىڭ ءىىب بارلىق جەكە قۇرامى دا اتالعان جاعدايعا قاتىستى تۇسىنىكتەمە بەرەدى. بۇدان بولەك, بولىمشەدەگى مورالدىق-پسيحولوگيالىق احۋالدى باعالاۋ ماقساتىندا جاسىرىن ساۋالناما دا جۇرگىزىلمەك.
