الماتى وبلىستىق توتەنشە جاعدايلار دەپارتامەنتىنىڭ مالىمەتىنشە, 13 شىلدە كۇنى تۇسكى ساعات 12:47-دە رايىمبەك اۋدانى نارىنقول اۋىلىنان ءبىر شاقىرىم جەردە 2008 جىلدان بەرى جۇمىس ىستەمەيتىن اۆتوجانارماي قۇيۋ ستانتسياسىنىڭ اۋماعىندا وتىز توننالىق بوس سىيىمدىلىقتى تازالاۋ كەزىندە 50 جانە 34 جاستاعى ەكى ەر ادام تەز تۇتاناتىن سۇيىقتىق بۋىمەن ۋلانىپ قالعان.
«وقيعا ورنىنا كەلگەن الماتى وبلىسى تجد قىزمەتكەرلەرى ارنايى تىنىس الۋ اپپاراتتارمەن سىيىمدىلىققا ءتۇسىپ, ەر ادامداردى ارقانىنىڭ كومەگىمەن سىرتقا شىعاردى. ەكەۋى دا دەرەۋ رايىمبەك اۋدانىنىڭ ورتالىق اۋداندىق اۋرۋحاناسىنا جەتكىزىلدى. ولار جانساقتاۋ بولىمىندە, ورتاشا اۋىر جاعدايدا جاتىر», دەپ حابارلادى الماتى وبلىستىق توتەنشە جاعدايلار دەپارتامەنتىنەن.
قازىرگى ۋاقىتتا ەكى ادامنىڭ دا جاعدايى تۇراقتى.
