19 جاستاعى سوفيا چۋرسينا العاشقى ويىندا رەسەيلىك قۇرداسى اناستاسيا كوۆالەۆانى جەڭدى. كەزدەسۋ 1 ساعاتقا سوزىلىپ, ەكى سەتتە 6:4, 6:2 ەسەبىمەن ءبىزدىڭ تەننيسشىنىڭ سەنىمدى جەڭىسىمەن اياقتالدى.
پاۆلودار قالاسىنىڭ تۋماسى التى برەيك-پوينتتىڭ سەگىزىن جۇزەگە اسىردى. چۋرسينا نەگىزگى كەزەڭگە شىعۋ ءۇشىن رەسەيدىڭ تاعى ءبىر وكىلى ۆيكتوريا مورۆايوۆامەن كەزدەسەدى.
«ەڭ الدىمەن wild card ۇسىنعانى ءۇشىن ۇيىمداستىرۋشىلارعا العىس ايتقىم كەلەدى. ەگەر ماتچ تۋرالى ايتاتىن بولساق, بۇل ەكەۋىمىز ءۇشىن دە ىرىكتەۋ ويىندارىنىڭ فينالىنا شىعۋدىڭ تاماشا مۇمكىندىگى ەدى, بىراق, مەنىڭ ويىمشا, بۇگىن مەن قارسىلاسىمنان گورى سەنىمدى, ءارى سالقىنقاندى بولا الدىم», دەدى ويىننان كەيىن سوفيا.
تاتيانا نيكولەنكو, كارينا رەزۆانوۆا, ادەل يسماگۋلوۆا, ەليزاۆەتا گنيلوزۋبوۆا جانە تامارا چەركاسوۆا ىرىكتەۋ ويىندارى ءبىرىنشى كەزەڭىنەن وتە المادى, ەندى ولار باسقا حالىقارالىق جارىستارعا دايىندالادى.
