ۇستالعان ەر ادام 2015 جىلى ينگۋشەتيا رەسپۋبليكاسىنىڭ اۋماعىندا توناۋشىلىق جاساعانى ءۇشىن ايىپتالىپ وتىر. تۇنگى ۋاقىتتا ءبىر توپ ادام نازران قالاسىنداعى 52 جاستاعى تۇرعىننىڭ ۇيىنە باسىپ كىرىپ, وعان كۇش قولدانامىز دەپ قورقىتىپ, ءۇيىن توناپ كەتكەن. قارا كيىم كيىپ, بەتىن بۇركەگەن شامامەن التى ادامنان تۇراتىن قىلمىسكەرلەر توبىنىڭ قولىندا قارۋ-جاراق بولعان. ولار جابىرلەنۋشىنىڭ 3 ملن 600 مىڭ رۋبل كولەمىندە اقشاسىن, التىن بۇيىمدار, باعالى زاتتارىن الىپ, وقيعا ورنىنان ءىزىن جاسىرعان.
اتالعان فاكتى بويىنشا رەسەيدىڭ ينگۋشەتيا رەسپۋبليكاسى ءىىم رف قىلمىستىق كودەكسىنىڭ 162-بابىمەن (توناۋشىلىق) قىلمىستىق ءىس قوزعادى. ۇستالعان ازاماتقا 2017 جىلدان بەرى مەملەكەتارالىق ىزدەۋ جاريالانعان.
ەر ادامنىڭ قازاقستانعا 2015 جىلدىڭ قازان ايىندا كەلىپ, سول كەزدەن بەرى الىس تۋىسىنىڭ قولىندا بەيرەسمي جۇمىس ىستەگەنى انىقتالدى.
