قىزىلوردادا ءۇي يەسىنىڭ زەرگەرلىك بۇيىمدارىن ۇرلاعان بالا كۇتۋشى ۇستالدى.
10 شىلدە كۇنى قىزىلوردادا جەرگىلىكتى تۇرعىن پوليتسياعا حابارلاسىپ, قىمبات زەرگەرلىك بۇيىمدارىنىڭ ۇرلانعانىن ايتقان. جاتىن بولمەدەگى شكافتىڭ ىشىنەن قۇنى ءۇش ميلليوننان اساتىن قىمبات زەرگەرلىك بۇيىمدار ۇرلانعان. جەدەل-ىزدەستىرۋ شارالارىنىڭ ناتيجەسىندە ۇرلىق جاساعان بالا كۇتۋشى انىقتالىپ, ۇستالدى.
قازىرگى تاڭدا كۇدىكتى ايەلگە قاتىستى قازاقستان رەسپۋبليكاسى قىلمىستىق كودەكسىنىڭ 188-بابىنىڭ 3-بولىگىمەن (ۇرلىق) سوتقا دەيىنگى تەرگەپ-تەكسەرۋ امالدارى جۇرگىزىلۋدە. وقيعانىڭ ءمان-جايلارى انىقتالۋدا.
