جاقىندا سلوۆاكيانىڭ براتيسلاۆا قالاسىندا مانەرلەپ سىرعاناۋدان وتكەن «سلوۆاكيانىڭ جاڭا جىلدىق كۋبوگى» اتتى حالىقارالىق تۋرنيردە ەليزاۆەتا تۇرسىنباەۆا دەگەن ەڭ جاس مانەرلەپ سىرعاناۋشى قىزىمىز جەڭىمپاز اتاندى. بۇل تۋرالى egemen.kz ءتىلشىسى حابارلادى.
15 ەلدىڭ مانەرلەپ سىرعاناۋشىلارى قاتىسىپ, باس جۇلدە ءۇشىن بارىن سالىپ ونەر كورسەتكەن تۋرنيردە وتانداسىمىز ءادىل-قازىلار القاسىنىڭ ەڭ جوعارى بالدارىنا يە بولدى. ءسويتىپ,14 ەلدىڭ وكىلدەرىنەن گورى مۇز ايدىنىندا تاماشا سىرعاناپ, كورەرمەندەردىڭ كوزايىمى بولىپ تا ۇلگەرگەن قىزىمىز ءتۋرنيردىڭ جەڭىمپازى اتاعىن يەلەندى. ەليزابەت كانادانىڭ تورونتو قالاسىندا بەلگىلى جاتتىقتىرۋشى برايان ورسەردىڭ قاراماعىندا جاتتىعادى. ال نەگىزى ول قىزىلوردا وبلىسىنىڭ تۋماسى ەكەن. ەندى ەليزابەت ناۋرىز ايىندا بولگاريادا جاسوسپىرىمدەر اراسىندا وتەتىن الەم چەمپيوناتى مەن الەمدىك گران-پري جارىسىنا قاتىساتىن بولادى. قازىر ول سوعان دايىندىقتى باستاپ كەتتى.
داستان كەنجالين.
دەرەككوز: www.kazsports.kz
