ءبىلىم • 12 شىلدە، 2021

ۇكىمەت جاستاردى قولداۋ ءۇشىن جاڭا گرانت تاعايىندادى

1929 رەت كورسەتىلدى

2021 جىلى 8 شىلدەدە قازاقستان رەسپۋبليكاسىنىڭ ۇكىمەتى جاستارعا ارنالعان «تاۋەلسىزدىك ۇرپاقتارى» اتتى جاڭا گرانتىن تاعايىنداۋدى شەشتى، دەپ حابارلايدى Egemen.kz.

بوتاكوز باقبەرگەن

«گرانتتى تاعايىنداۋدىڭ ماقساتى – جاستاردىڭ بەلسەندى ءارى شىعارماشىل جاستار قاۋىمداستىعىن قالىپتاستىرۋعا باعىتتالعان جانە قولدانىستاعى باستامالارىن مەملەكەتتىك نەگىزدە قولداۋ»، دەلىنگەن قۇجاتتا.

گرانت تاعايىنداۋ مىندەتتەرى:

تالانتتى جانە تالاپتى جاستاردى قولداۋ;
ەلدىڭ الەۋمەتتىك-ەكونوميكالىق دامۋى ءۇشىن پراكتيكالىق قىزىعۋشىلىق تانىتاتىن جاستاردىڭ يننوۆاتسيالىق جوبالارى مەن عىلىمي-تەحنيكالىق ازىرلەمەلەرىن انىقتاۋ جانە قولداۋ;
جاستاردىڭ جاڭا جانە قولدانىستاعى ستارتاپ-جوبالارىن ىسكە اسىرۋعا جاردەمدەسۋ;
جاستار اراسىندا شىعارماشىلىق قىزمەتتى ناسيحاتتاۋ.

گرانتتىڭ مولشەرى مەن سانىن ۇكىمەت جىل سايىن بەلگىلەيدى.

گرانتتار قر ازاماتتارىنا كەلەسى باعىتتار بويىنشا جاڭا يدەيالار مەن باستامالاردى ىسكە اسىرۋ ءۇشىن كونكۋرستىق نەگىزدە بەرىلەدى:

«عىلىم» - عىلىمنىڭ باسىم سەكتورلارىندا جاڭا عىلىمي جوبالار مەن زەرتتەۋلەردى ىسكە اسىرۋ ءۇشىن;
«مادەنيەت» - قازاقستاننىڭ مادەني مۇراسىن تانىمال ەتۋگە، حالىقتىق مادەني داستۇرلەر مەن ونەردى ىلگەرىلەتۋگە باعىتتالعان جوبالاردى ىسكە اسىرۋ ءۇشىن;
«اقپاراتتىق تەحنولوگيالار» - جاڭا IT-شەشىمدەر مەن جوبالاردى، ونىڭ ىشىندە باستاۋشى ستارتاپ-جوبالاردى ىسكە اسىرۋ جانە ازىرلەۋ ءۇشىن;
«بيزنەس» - ەكونوميكانىڭ باسىم سەكتورلارىندا جاڭا بيزنەس-يدەيالاردى ىسكە اسىرۋ ءۇشىن;
«مەديا» - جاڭا مەديا-جوبالاردى، ونىڭ ىشىندە جاستار ءۇشىن تانىمدىق، پايدالى، قىزىقتى كونتەنتتى قۇرۋ جونىندەگى جوبالاردى ىسكە اسىرۋ ءۇشىن.

كونكۋرستىق وتىنىمدەر مەملەكەتتىك نەمەسە ورىس تىلدەرىندە قابىلدانىپ، كەلەسى شارتتار ورىندالۋى ءتيىس: