«10 شىلدە كۇنى ساعات 12:50-دە قوستاناي اۋدانىنداعى «پريگورودنوە» ورمان شارۋاشىلىعى باسقارماسىنىڭ اۋماعىندا, توبىل قالاسىنان 30 شاقىرىم جەردە ءىرى ورمان ءورتى ءسوندىرىلدى. ءورت 8 شىلدە كۇنى ساعات 10:40-تا باستالعان. قۋراعان ءشوپ, قاراعاي مەن قايىڭ جانىپ كەتتى. جالىنمەن كۇرەستى ەكپىندى جەل مەن ىستىق كۇن رايى قيىنداتتى», دەپ حابارلادى ۆەدومستۆودان.
جالىنمەن كۇرەسكە تجد كۇش-قۇرالدارى, جەرگىلىكتى اتقارۋشى ورگاندار مەن پوليتسەيلەر جۇمىلدىرىلعان.
«ورمان سىلەمىن قورعاۋ ماقساتىندا «قازاۋەقۇتقارۋ» اق-نىڭ مي-8 تىكۇشاعى تارتىلدى. قۇتقارۋشى تىكۇشاق اۋەدەن 60 رەت سۋ شاشتى, شاشىلعان سۋدىڭ كولەمى 200-گە جۋىق توننانى قۇراعان. الدىن الا ەسەپ بويىنشا, جالىن 300 گەكتار جەردى شارپىعان. قازىرگى كەزدە ءورتتىڭ شىعۋ سەبەپتەرى انىقتالىپ جاتىر», دەپ ءتۇسىندىردى تجد-دان.
جالىنمەن كۇرەس 9 شىلدە كۇنگى ساعات 21:00-دە جاريالانىپ, كەلەسى كۇنى تۇسكە قاراي تولىق ءسوندىرىلدى.
قازا تاپقاندار مەن زارداپ شەككەندەر جوق. ورمانداعى ءورتتى ءسوندىرۋ ءۇشىن 315 ادام مەن 40-تان استام تەحنيكا جۇمىلدىرىلعان.
