ارگەنتينادا «داكار-2014» راللي مارافونىنا قاتىسىپ جاتقان قازاقستاندىق كولىك جانىپ كەتتى. بۇل تۋرالى 24.kz حابارلادى.
سان-لۋيستان سان-رافاەل قالاسىنا كەلە جاتقان كەزدە باۋىرجان يساباەۆ پەن عابدۋللا ءاشىموۆ مىنگەن «Proto Overdrive» جول تالعامايتىن كولىگىنەن ءورت شىقتى. ابىروي بولعاندا, جۇرگىزۋشى مەن شتۋرمان زارداپ شەككەن جوق. الايدا, ولاردىڭ اۆتوكولىكتەرى تۇگى قالماي جانىپ كەتكەن. بۇدان بولەك, ايتۋلى دوداعا ەلىمىزدىڭ تاعى ءۇش ەكيپاجى قاتىسۋدا. ونىڭ ەكەۋى جول تالعامايتىن كولىكتەر ساپىندا سايىسقا تۇسسە, بىرەۋى جۇك كولىكتەرىنىڭ اراسىندا باق سىنايدى.
«داكار-2014» راللي مارافونىنىڭ ەكىنشى كەزەڭى اياقتالدى. قازاقستان اتىنان ونەر كورسەتىپ جاتقان ەكىنشى جول تالعامايتىن كولىك مارەگە 31-بولىپ جەتتى. ايدىن راحىمباەۆ پەن ۆلاديمير دەميانەنكو باسقارعان كولىك 789 شاقىرىمدى 5 ساعات 11 مينۋت 9 سەكۋندتا باعىندىردى.
ايدار ورىسباەۆ.
دەرەككوز: 24.kz
فوتو: Vesti.kz
