«بۇل تەكسەرۋ, دياگنوستيكا جانە ەمدەۋدىڭ قازىرگى زامانعى ادىستەرىنە نەعۇرلىم كەڭ قول جەتكىزۋگە مۇمكىندىك بەرەدى. ونىمەن قوسا, مەديتسينا قىزمەتكەرلەرىنە مەكەمەلەردىڭ اكىمشىلىگىنەن تاۋەلسىز قىزمەت ەتەتىن بولادى. بۇل ءوز كەزەگىندە زاڭسىز ارەكەتتەردىڭ ىقتيمال فاكتىلەرىن جاسىرۋدى جويادى», دەدى مينيستر.
وعان قوسا, سوتتالعانداردى كولونيادا ۇستاۋ جاعدايلارىن جاقسارتۋ بولىگىندە بىلتىرعى جىلدىڭ اقپان ايىندا سوتتالعانداردىڭ تاماقتانۋ نورمالارى 40%-عا, سالەمدەمەلەر مەن ساۋقاتتاردىڭ رۇقسات ەتىلگەن سالماعى ۇشتەن بىرگە ارتقانى دا بەلگىلى بولدى.
ءمينيستردىڭ سوزىنشە, تاعى ءبىر ماڭىزدى ماسەلە – باس بوستاندىعىنان ايىرىلعان ادامداردى جۇمىسپەن قامتۋ. جۇمىسقا ورنالاستىرىلعان سوتتالعانداردىڭ سانى وتكەن جىلدان باستاپ 38%-دان 49%-عا دەيىن ارتقان. بۇل ولاردىڭ قوعامعا بەيىمدەلۋىنە ىقپال ەتەدى. سونىمەن قاتار جابىرلەنۋشىلەرگە كەلتىرىلگەن ماتەريالدىق زالالدى تولەۋگە جانە وتباسىنا جىبەرىپ وتىرۋعا مۇمكىندىك بەرەدى.
«وزىمەن بىرگە الىپ جۇرۋگە, سالەمدەمەلەردى الۋعا جانە ساتىپ الۋعا رۇقسات ەتىلەتىن زاتتاردىڭ تىزبەسى كەڭەيتىلدى. وتكەن جىلدان باستاپ كولونيالاردا «ەلەكتروندى دۇكەندەر» ەنگىزىلە باستادى. سونداي-اق كەزدەسۋلەر سانى ارتتى», دەپ ءتۇسىندىردى قر ىشكى ىستەر ءمينيسترى.
