قالالىق كريمينالدىق پوليتسيا باسقارماسىنىڭ حابارلاۋىنشا, ەكى جاعدايدا ەكى جەكە مەديتسينالىق ورتالىقتىڭ «دوستار مەد» جانە «سۇڭقار» قىزمەتكەرلەرى جالعان قۇجاتتار جاساعانى ءۇشىن ۇستالدى. سونداي-اق №4 پوليكلينيكادا مەديتسينالىق قىزمەتكەرلەردىڭ ۆاكتسيناتسيا پاسپورتىن ساتقانى جانە ۆاكتسينالاردى زاڭسىز جويىپ جىبەرگەنى انىقتالعان.
ءبىرىنشى جاعدايدا, كلينيكاداعى زەرتحانا قىزمەتكەرى ورتالىقتىڭ ەكى مەيىربيكەسىنىڭ كومەگىمەن اقشالاي سىياقى ءۇشىن تەرىس ناتيجەمەن بيوماتەريالدى سىناماسىز پتر تەستىن ۇيىمداستىرعان. كەيىن «سۇڭقار» مەديتسينالىق ورتالىعىنىڭ دارىگەر-ەندوكسيستى ۇستالدى, ول بۇرىن الاياقتىق ءۇشىن جاۋاپقا تارتىلعان. جەكە ءتىنتۋ كەزىندە پتر تەستىلەرىنىڭ ناتيجەلەرى, سونداي-اق اقشا پروتسەسسۋالدىق تارتىپتە تاركىلەندى.
سونىمەن قاتار №4 قالالىق ەمحانانىڭ اعا مەيىربيكەسى ۇستالدى, ول 15 مىڭ تەڭگە كولەمىندە اقشالاي سىياقى الۋ ءۇشىن ۆاكتسينا العانداردى بەلگىلەۋ جۋرنالىنا جالعان تىركەۋمەن اينالىسقانىن مويىندادى. بۇل فاكتىلەر قر قك-ءنىڭ 385-بابى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى. تەرگەۋ جالعاسۋدا.
