* ماماندار رەسپۋبليكا اۋماعىنىڭ باسىم بولىگىندە بۇگىن جانە ەرتەڭ ايازدى اشىق اۋا رايى ساقتالاتىنىن ايتادى. قوستاناي وبلىسىندا تاڭەرتەڭ جانە كۇندىز جەلدىڭ جىلدامدىعى سەكۋندىنا 15-20 مەترگە جەتەدى, بۇرقاسىن سوعادى, تۇندە جانە تاڭەرتەڭ كەي جەرلەردە تۇمان تۇسەدى. شىعىس قازاقستان, جامبىل وبلىستارىندا كەي جەرلەردە تۇمان تۇسەدى, كۇندىز شىعىس قازاقستان وبلىسىندا, تۇندە جامبىل وبلىسىندا 15-20 مەتر جىلدامدىقپەن جەل سوعادى. اقمولا, سولتۇستىك قازاقستان وبلىستارىندا ازداعان بۇرقاسىنمەن بىرگە سەكۋندىنا 15-20 مەتر جىلدامدىقپەن جەل تۇرادى.
* ماماندار رەسپۋبليكا اۋماعىنىڭ باسىم بولىگىندە بۇگىن جانە ەرتەڭ ايازدى اشىق اۋا رايى ساقتالاتىنىن ايتادى. قوستاناي وبلىسىندا تاڭەرتەڭ جانە كۇندىز جەلدىڭ جىلدامدىعى سەكۋندىنا 15-20 مەترگە جەتەدى, بۇرقاسىن سوعادى, تۇندە جانە تاڭەرتەڭ كەي جەرلەردە تۇمان تۇسەدى. شىعىس قازاقستان, جامبىل وبلىستارىندا كەي جەرلەردە تۇمان تۇسەدى, كۇندىز شىعىس قازاقستان وبلىسىندا, تۇندە جامبىل وبلىسىندا 15-20 مەتر جىلدامدىقپەن جەل سوعادى. اقمولا, سولتۇستىك قازاقستان وبلىستارىندا ازداعان بۇرقاسىنمەن بىرگە سەكۋندىنا 15-20 مەتر جىلدامدىقپەن جەل تۇرادى.
* بيىل سىرقات جانداردى شەتەلدەردە ەمدەتۋ ءۇشىن مەملەكەت تاراپىنان 1 ملرد.-تان اسا تەڭگە ءبولىندى.بۇل قارجىعا ەل ازاماتتارى رەسەي, بەلارۋس, گەرمانيا, تۇركيا سىندى ەلدەردە ەم-دوم الا الادى. ولاردىڭ باسىم بولىگى اعزاسىن اۋىستىرۋعا بارادى.
*الماتى وبلىسىنىڭ سارقان اۋدانىندا ۇدەمەلى يندۋستريالىق-يننوۆاتسيالىق دامۋ باعدارلاماسى شەڭبەرىندە سۋ ەلەكتر ستانساسى ىسكە قوسىلدى. ونىڭ قۇرىلىسىنا 475 ملن. تەڭگە بولىنگەن ەدى. بۇل نىسان جىلىنا 12 ملن. كۆت وندىرەدى.
*اقتوبە وبلىسىنداعى ن.بايعانين اتىنداعى كىتاپحانا قىزمەتكەرلەرى مۇمكىندىگى شەكتەۋلى بالالاردىڭ ۇيلەرىن ارالاپ, ولارعا ەرتەگىلەر وقىپ بەرەدى. سونىمەن بىرگە, جاڭادان باسىلىپ شىققان قۇندى وقۋلىقتاردى تانىستىرۋدى ەستەن شىعارمايدى. مۇنداي يگى باستاما قامكوڭىل جانداردىڭ ويلاۋ, سويلەۋ قابىلەتىن جاقسارتۋعا ىقپال ەتۋدە.
*وسكەمەن قالاسىندا ەلىمىزدە سيرەك كەزدەسەتىن تروپيكالىق وسىمدىكتەر وسىرىلۋدە. ولاردىڭ اراسىندا شىڭعىس حاننىڭ سۇيىكتى گ ۇلى اتالىپ كەتكەن «مۋررايا» دا بار. بۇل گۇلدىڭ جۇرەك اۋرۋىنا, تىنىس جولىنا پايداسى زور.
*ەكىباستۇز قالاسىندا جەتىم جانە اتا-انا قامقورلىعىنا ءزارۋ 50-دەن استام بالاعا پاتەر كىلتى تابىس ەتىلدى. بۇل باستاما «ەڭبەكپەن قامتۋ-2020» باعدارلاماسى نەگىزىندە ىسكە اسىرىلدى.
*مەكتەپ وقۋشىسى تەمىرلان ءنابي جاساندى جولمەن بال شىعاردى. بۇل بال اعزاداعى زياندى ۆيرۋستار مەن اللەرگيانى ەمدەيتىن كورىنەدى. ونىڭ بۇل ەڭبەگى وقۋشىلار اراسىندا وتكىزىلگەن بايقاۋدا جىلدىڭ ۇزدىك عىلىمي جوباسى اتاندى.
*تاراز قالاسىنداعى ونەرتاپقىش امبەباپ ءورت ءسوندىرۋ ماشيناسىن ويلاپ تاپتى. اتالعان كولىكتى تەوريا جۇزىندە دالەلدەپ شىققان مارات ايۋباەۆ وعان ارنايى پاتەنت الدى. ەگەر وسى جاڭالىق وندىرىسكە ەنگىزىلەتىن بولسا, ەكى تاۋلىككە دەيىن توقتاۋسىز جۇمىس ىستەي الاتىن ءورت ءسوندىرۋ ماشيناسىن پايدالانا الامىز. ونىڭ ەرەكشەلىگى, ءورتتى 5 تاسىلمەن وشىرە الادى. ءارى رەسەيدەن الىناتىن كولىكتەردەن باعاسى 10 ەسە ارزان.
*الماتى قالاسىندا تاكسيست 16 جاسار قىزدى ءولتىردى. وتكەن جىلدىڭ 28 جەلتوقسانىندا جوعالىپ كەتكەن كوللەدج ستۋدەنتىنىڭ مۇردەسىن ءتارتىپ ساقشىلارى 3 قاڭتاردا تاپقان. تەرگەۋ بارىسىندا تاكسيستتىڭ ءجاسوسپىرىمدى قوماقتى اقشاسى ءۇشىن ولتىرگەنى انىقتالدى.
«قازاقپارات», Egemen.kz حابارلارى بويىنشا دايىندالدى.
