ءجيى كەزدەسەتىن جول-كولىك وقيعالارىنىڭ سالدارىنان 400-دەن استام جولاۋشى ارقيلى دەنە جاراقاتىن الدى. مۇگەدەك بولىپ قالعاندارى قانشاما. جول پوليتسياسى قىزمەتكەرلەرى ەل ىشىندە اپاتتىڭ الدىن الۋ باعىتىندا جۇمىس جۇرگىزىپ جاتىر. الايدا قانشاما ەسكەرتىپ, الدىن الۋ شارالارى جۇرگىزىلگەنىمەن, قاسىرەتتى كورسەتكىش وتكەن جىلدىڭ سايكەس مەرزىمىمەن سالىستىرعاندا 15,4 پايىزعا وسكەن. بىلتىر ورىن العان 221 جول اپاتىنىڭ سالدارىنان 30 ادام مەرت بولىپ, 363 ادام جاراقات السا, بيىلعى العاشقى جارتى جىلدىقتىڭ وزىندەگى كورسەتكىش بىلتىردان كوپ.
– جىلدامدىقتى شامادان تىس ارتتىرۋ وقيعالارى ءجيى ورىن الادى. بايقاۋسىزدا قارسى باعىتقا شىعىپ كەتۋ, تەمىر تۇلپاردى ماس كۇيىندە جۇرگىزۋ دە ءجيى كەزدەسەدى, – دەيدى وبلىستىق كولىك باقىلاۋ ينسپەكتسياسىنىڭ اعا ينسپەكتورى ادىلبەك سۇراعانوۆ.
وتكەن جىلى جول-كولىك اپاتىنىڭ الدىن الۋعا باعىتتالعان ونداعان رەيد ۇيىمداستىرىلعان ەكەن. ءىس-شارا بارىسىندا 78 مىڭنان استام جول ەرەجەسىن بۇزۋ فاكتىلەرى تىركەلىپتى. بۇرناعى جىلمەن سالىستىرعاندا, بۇل كورسەتكىش 219 پايىزعا كوبەيگەن. ونىڭ ىشىندە 58 548-ءى جول-كولىك ەرەجەسىن ورەسكەل بۇزۋ ساناتىنا جاتادى.
ماماندار جول-كولىك وقيعاسىنىڭ ءجيى كەزدەسۋى كۋرورتتى ايماقتىڭ ۇلەسىندە دەيدى. ەكىنشى سەبەبى, ايتىپ كەلمەس اپاتقا دۋشار بولۋ ادامداردىڭ وزدەرىنەن. ماسەلەن, جىل باسىنان بەرى ماس كۇيىندە كولىك تىزگىندەگەن 469 كولىك جۇرگىزۋشىسى ۇستالعان. بەيبىت كۇندە ماس كۇيىندە كولىك جۇرگىزىپ, اپاتقا ۇشىراپ جاتقاندار تۋرالى اقپاراتتى كۇندە وقىپ, كورىپ جۇرسە دە, سانالارىنا توقىپ, ساباق المايتىندارى نەسى ەكەن؟!
اقمولا وبلىسى
