اكتسياعا AYALA قايىرىمدىلىق قورى مەن «حالىق» قوعامدىق قورى دەمەۋشىلىك ەتتى.
ازىق-ت ۇلىك جيىنتىعى «شاڭىراق» كوپبالالى وتباسىلاردى قولداۋ ورتالىعىندا تاراتىلىپ, ۆولونتەرلەر مەن بەلسەندىلەر ازىق-ت ۇلىكتى مەكەنجايلارعا جەتكىزدى.
ء«بىز 287 جيىنتىق الدىق. ونى مۇمكىندىگى شەكتەۋلى بالالارى بار جانە كوپبالالى از قامتىلعان وتباسىلارعا اكىمدىك ۇسىنعان ءتىزىم بويىنشا تاراتامىز. بۇگىن 50 جيىنتىق تاراتتىق. قالعانىن كەلەسى اپتادا ۇلەستىرىپ بەرەمىز. بۇل ىستە بىزگە Jas Otan ۆولونتەرلەرى كومەكتەسۋدە. تۇرعىندار اكتسيانىڭ ۇيىمداستىرۋشىلارىنا جانە دەمەۋشىلەرىنە العىسى مەن ريزاشىلىعىن ءبىلدىرىپ, پاندەميا كەزىندە بۇل جاقسى كومەك بولعانىن ايتىپ جاتىر», دەدى «شاڭىراق» كوپبالالى وتباسىلاردى قولداۋ ورتالىعىنىڭ ديرەكتورى ءلاززات قوجاحمەتوۆا.
شىلدە ايىندا AYALA قايىرىمدىلىق قورىنان ازىق-ت ۇلىك جيىنتىعىن ايماقتاعى قيىن ماتەريالدىق جاعدايدا قالعان 1 250 وتباسى الادى. بۇدان بۇرىن قايىرىمدىلىق قورى كورسەتكەن كومەك اياسىندا قاراعاندى وبلىسىندا ازىق-ت ۇلىك جيىنتىعىمەن ايماقتاعى 17 قالا مەن كەنتتەگى مىڭعا جۋىق وتباسى قامتىلعان بولاتىن. ونىڭ ىشىندە قاراعاندى, بالقاش, جەزقازعان, پريوزەرسك, ساتباەۆ, ساران, تەمىرتاۋ, شاحتينسك, اباي, اقتوعاي, بۇقار جىراۋ, جاڭارقا, قارقارالى, نۇرا, وساكاروۆ, شەت جانە ۇلىتاۋ قالالارى بار.
ەسكە سالا كەتەيىك, «قايىرىمدى ىستەر مارافونى» جالپىۇلتتىق جوباسى قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىندا مەملەكەت باسشىسى قاسىم-جومارت توقاەۆتىڭ باستاماسىمەن وسى جىلدىڭ اقپان ايىندا باستالعان بولاتىن. جوبا اقپارات جانە قوعامدىق دامۋ مينيسترلىگى مەن ازاماتتىق باستامالاردى قولداۋ ورتالىعىنىڭ قولداۋىمەن جۇزەگە اسىرىلۋدا. جىل باسىنان بەرى مارافونعا 2,5 ملن-نان استام ادام قاتىستى, اتاۋلى كومەك 167 مىڭ ادامعا كورسەتىلدى.
مارافونعا نيەت بىلدىرگەن كەز كەلگەن ازامات قاتىسا الادى. بۇل ءۇشىن ءوزىنىڭ يگى ىستەرىن الەۋمەتتىك جەلىلەردە#قايىرىمدىىستەرمارافونى #مارافوندوبرىحدەل رەسمي حەشتەگىمەن جاريالاۋى كەرەك. ۇيىمداستىرۋ ماسەلەلەرى بويىنشا مىنا نومىرلەرگە +7 701 513 55 00, +7 7172 79 15 32 نەمەسە ينستاگرامداعى @qaiyrymdy_ister_marafony اككاۋنتى ارقىلى حابارلاسۋعا بولادى.
