كوروناۆيرۋس • 12 شىلدە، 2021

700-دەن استام ادام اۋرۋحانادا جاتىر

29 رەت كورسەتىلدى

باتىس قازاقستان وبلىسىندا كوروناۆيرۋستان ەمدەيتىن ارنايى ستاتسيونارلاردا ەمدەلىپ جاتقان ناۋقاس سانى 731-گە جەتتى. ىندەت باستالعالى وبلىستا 420 ادام COVID-19-دان كوز جۇمعان.

وسى كەزگە دەيىن وبلىستا كوروناۆيرۋس ينفەكتسياسىن جۇقتىرعان 26 379 ادام تىركەلگەن ەكەن. ىندەت جۇقتىر­عانداردىڭ 78،6-%-ى، ياعني 20 735 ادام جازىلىپ شىققان. سونىڭ ىشىندە 9 668 ادام ستاتسيونارلىق، 11 067 ادام امبۋلا­توريالىق ەم العان.

– شىلدەنىڭ 9-ىندا وبلىستىڭ ينفەك­تسيالىق ستاتسيونارلارىنداعى 97 رەانيماتسيالىق توسەكتىك ورىندا 54 ناۋقاس ەمدەلىپ جاتىر. جانساقتاۋ بولىمدەرىنىڭ تولىمدىلىعى 60 پايىزعا تايادى، – دەيدى وبلىستىڭ باس سانيتار دارىگەرى مۇحامعالي ارىسپاەۆ.

رەانيماتسيالىق توسەكتە جاتقان ناۋقاستار نەگىزىنەن جاسى 60-تان اسقان ەگدە جاندار ەكەن. جۇرەك-قان تارىمى، ديابەت سەكىلدى قوسالقى دەرتتەر كوروناۆيرۋستىڭ قاۋىپتىلىگىن كۇشەيتە تۇسەدى. سوندىقتان ماماندار قاريالارعا، سوزىلمالى دەرتى بار جاندارعا ساقتىق شارالارىن كۇشەيتۋدى، كوپشىلىك ورىندارعا بارماۋدى ەسكەرتۋدە.

سوڭعى مالىمەتتەرگە قاراعاندا، كورو­ناۆيرۋسقا قارسى ۆاكتسينانىڭ ءىى كومپونەنتىمەن وڭىردە بارلىعى 71 502 ادام ەگىلگەن. بۇل جالپى وبلىس حالقىنىڭ 10 پايىزىنان ءسال عانا ارتىق.

– بۇل وتە از! تۇرعىنداردىڭ باسىم كوپشىلىگى ەكپە المايتىن بولسا، كوروناۆيرۋستىڭ تارالۋ قارقىنىن تەجەۋ مۇمكىن ەمەس، – دەيدى مۇحامعالي ارىسپاەۆ.

وبلىستا ەكپە جۇمىسى بيىلعى
1 اقپاندا باستالدى. سودان بەرى وڭىرگە ۆاكتسينانىڭ 320 050 دوزاسى كەلىپ تۇسكەن. مۇنىڭ 188 000 دوزاسى – I كومپونەنت، 132 050 دوزا – II كومپونەنت. ونىڭ ىشىندە رەسەيدە وندىرىلگەن سپۋتنيك V ۆاكتسيناسى – 247 050 دوزا. وتاندىق QazVaس ۆاكتسيناسى – 7 مىڭ دوزا، بىرىككەن اراب امىرلىكتەرىندە وندىرىلگەن Hayat Vax ۆاكتسيناسى – 50 مىڭ دوزا، قىتايدا وندىرىلگەن CoronaVac ۆاكتسيناسى – 16 مىڭ دوزا ەكەن.

جالپى، وبلىس بويىنشا ۆاكتسينانىڭ ءى كومپونەنتىمەن 122 187 ادام ەگىلگەن. 91 092 ادام – سپۋتنيك V ەكپەسىن، 1 959 ادام – QazVac، 22 901 ادام – Hayat Vax، 6 235 باتىسقازاقستاندىق CoronaVac ۆاكتسيناسىن تاڭداعان.

– حالىقتى COVID-19 كوروناۆي­رۋستىق ينفەكتسياسىنان قورعاۋدىڭ جالعىز ءارى ءتيىمدى جولى – ۆاكتسينالاۋ. ەكپەنىڭ ناتيجەسىندە ادامزات شە­شەك سىندى اسا قاۋىپتى اۋرۋدى جەڭىپ، ديفتەريا، قىزىلشا، سىرەسپە جانە تاعى باسقا اۋىر ينفەكتسيالىق اۋرۋ­لارعا قاتىستى سالىس­تىرمالى ەپي­دە­­ميالىق تۇراقتىلىققا قول جەتكىزدى. دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىمى بويىنشا، ۇجىمدىق يممۋنيتەت قالىپتاستىرۋ ءۇشىن حالىقتىڭ 60%-دان كەم ەمەس بولىگى ۆاكتسينالانۋى ءتيىس. ايماقتا ەپي­دەميالىق جاعدايدىڭ ناشارلاۋىنا جول بەرمەۋ ءۇشىن سانيتارلىق نورمالاردى قاتاڭ ساقتايىق، ادام كوپ جينالاتىن قوعامدىق ورىندارعا بارمايىق! – دەيدى ءوڭىردىڭ باس سانيتار دارىگەرى.

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار