جاقىندا شىعىس قازاقستان وبلىستىق ەكونوميكا جانە بيۋدجەتتىك جوسپارلاۋ باسقارماسى باستىعىنىڭ ورىنباسارى ساۋلە ۇلاقوۆا اقپارات قۇرالدارى وكىلدەرىمەن كەزدەسىپ, مەملەكەت-جەكە مەنشىك ارىپتەستىگى ارقىلى وسكەمەندە – 6, ال سەمەيدە 5 بالاباقشا قۇرىلىسى باستالاتىنىن ايتتى.
جاقىندا شىعىس قازاقستان وبلىستىق ەكونوميكا جانە بيۋدجەتتىك جوسپارلاۋ باسقارماسى باستىعىنىڭ ورىنباسارى ساۋلە ۇلاقوۆا اقپارات قۇرالدارى وكىلدەرىمەن كەزدەسىپ, مەملەكەت-جەكە مەنشىك ارىپتەستىگى ارقىلى وسكەمەندە – 6, ال سەمەيدە 5 بالاباقشا قۇرىلىسى باستالاتىنىن ايتتى.
– بالاباقشالار كەشەنىنىڭ قۇرىلىسىنا قاتىستى جوبالار الدىمەن استانا قالاسىنا ساراپتاماعا جىبەرىلدى. ءبىز قانشاما اسىققانىمىزبەن مينيسترلىكتە قۇجاتتار ءراسىمدەۋدەن ۇزاق ۋاقىت وتەدى. ءار جوبا سالالىق, ەكونوميكالىق ساراپتامادان كەم دەگەندە ءۇش رەت وتەدى, – دەدى ءوز سوزىندە س.ۇلاقوۆا.
بۇعان قوسا, دەنساۋلىق ساقتاۋ سالاسىنداعى جوبالار دا بار. وسكەمەن قالاسىنداعى 300 ورىنعا شاقتالعان كوپسالالى اۋرۋحانانىڭ قۇرىلىسى جانە سەمەيدەگى 200 ورىنعا شاقتالعان بالالار اۋرۋحاناسىنىڭ جوبالارى دا استانا قالاسىنا مەملەكەتتىك ساراپتاماعا ءجىبەرىلدى. ازىرگە انىقتالعان كەمشىلىكتەردى جويۋ شارالارى قولعا الىندى. مەملەكەت-جەكە مەنشىك ارىپتەستىگى ورتالىعىنىڭ باسشىسى ءاليا ماساعانوۆانىڭ ايتۋىنا سۇيەنسەك, قازىرگى تاڭدا بارلىق جوبالار ينۆەستورلاردىڭ قولداۋىن تاپتى. سونىمەن قاتار, ورتالىق «دامۋ» قورىمەن, ەكىنشى دارەجەلى بانكتەرمەن تىعىز بايلانىس ورناتتى.
ءوڭىر باسشىسى ب.ساپارباەۆ مۇنىڭ الدىنداعى القالى جيىندا شىعىس وڭىرىندە الەۋمەتتىك جوبالاردى جۇزەگە اسىرىپ قانا قويماي, ينۆەستورلاردى قىزىقتىراتىنداي وزگە دە جوبالاردى قاراستىرۋ قاجەت ەكەندىگىن اتاپ كورسەتكەن.
– اقتاۋ مەن اتىراۋ قالالارىندا اۋەجاي قۇرىلىسىنا قاتىستى ءتيىمدى جوبالار بار. بىزگە دە وسى سىندى باعدارلامالاردى قاراستىرۋ قاجەت. سەمەي قالاسىندا كولىك-لوگيستيكالىق كەشەننىڭ بارىن ەسكەرسەك, وسىنداي جوبالار ءبىز ءۇشىن دە, ينۆەستورلار ءۇشىن دە ءتيىمدى, – دەيدى وبلىس اكىمى بۇل جوبالارعا وڭ كوزقاراسىن ءبىلدىرىپ.
وڭداسىن ەلۋباي,
«ەگەمەن قازاقستان».
وسكەمەن.
