ەندى از كۇننەن كەيىن اق وليمپيادانىڭ قىزىعىن تاماشالايمىز. سوچيدە وتەتىن الەمدىك سايىسقا ءبىزدىڭ سايىپقىراندار دا قاتىسپاق. باق شابارىن نە باپ شابارىن ءبىر اللا بىلەدى. دەگەنمەن, ۇلتتىق قۇراماداعىلار قورجىننىڭ بوس قايتپايتىنىنا سەنىمدى. كەم دەگەندە, دەنيس تەننىڭ ءوزى ولجا سالۋى كەرەك. ارينە, سپورتتا بولجام جاساۋ قيىن. بىراق ءۇمىت بار.
ەندى از كۇننەن كەيىن اق وليمپيادانىڭ قىزىعىن تاماشالايمىز. سوچيدە وتەتىن الەمدىك سايىسقا ءبىزدىڭ سايىپقىراندار دا قاتىسپاق. باق شابارىن نە باپ شابارىن ءبىر اللا بىلەدى. دەگەنمەن, ۇلتتىق قۇراماداعىلار قورجىننىڭ بوس قايتپايتىنىنا سەنىمدى. كەم دەگەندە, دەنيس تەننىڭ ءوزى ولجا سالۋى كەرەك. ارينە, سپورتتا بولجام جاساۋ قيىن. بىراق ءۇمىت بار.
قىسقى وليمپيادانىڭ الدىندا قىزىلورداعا اقجولتاي حابار جەتتى. سلوۆاكيانىڭ استاناسى براتيسلاۆادان. وندا مانەرلەپ سىرعاناۋدان «سلوۆاكيانىڭ جاڭا جىلدىق كۋبوگى» اتتى جارىس وتكەن-ءتىن. 3-6 قاڭتار ارالىعىندا بولعان سىنعا الەمنىڭ 15 ەلىنەن سپورتشىلار قاتىسقان. سولاردىڭ ىشىنەن ەليزابەت تۇرسىنباەۆا اتتى قىزىلوردالىق قارشاداي قىز جەڭىسپەن ورالدى. ەليزابەت ادەمى ويىن-ورنەگىن كورسەتىپ, جارىس جەڭىمپازى اتاندى. ەندى ول ناۋرىز ايىندا بولگاريادا بولاتىن جاسوسپىرىمدەر اراسىنداعى الەم چەمپيوناتىنا جانە الەمدىك گران-پري دوداسىنا قاتىسۋدى الدىنا ماقسات ەتىپ قويىپ وتىر.
«قىسقى سپورت تۇرلەرى قازاقتىڭ قولى ەمەس», دەيتىن قاساڭ پىكىر بار ەدى. مىنە, ونىڭ دا شەتى سوگىلىپ كەلەدى. ويتكەنى, تاۋەلسىزدىك جىلدارىندا دۇنيەگە كەلگەن بۇلدىرشىندەردىڭ سپورت سەكتسيالارىنىڭ ەسىگىن اتتاعانى كەشە عانا. ناتيجەسى ءبىلىنىپ جاتىر. ەندى بىرەر جىلدا قىسقى سپورت تۇرلەرىنەن الەمنىڭ وزىق ەلدەرىمەن تايتالاسىپ جاتقان قازاق بالالارىن كورەتىنىمىزگە كامىل سەنەمىز.
ەرجان بايتىلەس,
«ەگەمەن قازاقستان».
قىزىلوردا.
