قالامىزدا, ءتىپتى, ەلىمىزدە بۇرىن-سوڭدى كەزدەسپەگەن وقيعا بولدى. 10 مىڭ اقش دوللارى ەلىمىزگە تانىمال «سپارتاك» كومانداسىنىڭ ەڭ ۇزدىك ويىنشىسىنا بەرىلمەك.
قالامىزدا, ءتىپتى, ەلىمىزدە بۇرىن-سوڭدى كەزدەسپەگەن وقيعا بولدى. 10 مىڭ اقش دوللارى ەلىمىزگە تانىمال «سپارتاك» كومانداسىنىڭ ەڭ ۇزدىك ويىنشىسىنا بەرىلمەك.جۇلدەگەر اتانۋدىڭ باستى شارتى, ويىنشى ءوز كومانداسىنىڭ پاتريوتى, ياعني وسى كوماندادا ۇزدىكسىز 10 جىل بويى تەر توككەن ويىنشى بولۋى كەرەك. بۇل جاعىمدى جاڭالىق جايلى قالا اكىمىنىڭ فۋتبول فەدەراتسياسى قىزمەتكەرلەرىمەن كەزدەسۋىندە جۇلدە ۇسىنىپ وتىرعان «سەمەي تاڭى» – «ۆەستي سەمەي» گازەتتەرىنىڭ ديرەكتور-باس رەداكتورى ريزا مولداشەۆا حابارلادى. قالا اكىمى ايبەك كارىموۆتىڭ ايتۋىنشا, بۇل كۇنگە دەيىن بىردە-ءبىر باق ايماقتا, ءتىپتى, قازاقستان رەسپۋبليكاسى كولەمىندە سپورتتى قولداۋ ءۇشىن وسىنداي جۇلدە تاعايىنداپ كورمەپتى. جۇلدە «سپارتاك كلۋبىنا ادالدىعى ءۇشىن» دەپ اتالادى.
«سەمەي تاڭى» – «ۆەستي سەمەي» گازەتتەرىنىڭ ديرەكتور-باس رەداكتورى, قالالىق ءماسليحاتتىڭ دەپۋتاتى ريزا مولداشەۆا:
– فۋتبول فەدەراتسياسى مەن سەمەيلىك كومانداعا جاڭا جەڭىستەر تىلەيمىن. بۇرىن ءبىزدىڭ باسىلىمدارىمىز تەك اقپاراتتىق قولداۋ كورسەتسە, ەندى ءبىز ءبىر فۋتبوليسكە جۇلدە ۇسىنىپ وتىرمىز. ول ءوز كومانداسىنىڭ پاتريوتى بولۋى كەرەك جانە كەم دەگەندە 10 جىل ۇزدىكسىز وسى كوماندا ساپىندا ويناعان بولۋى شارت. جۇلدە كولەمى – 10 مىڭ اقش دوللارى. بۇل – بولاشاق جەڭىمپازدارعا, ءبىزدىڭ فۋتبولشىلارعا كورسەتىلگەن قولداۋ, قۇرمەت. اتالعان باستاما ءداستۇرلى تۇردە الداعى جىلداردا دا جالعاسىن تاباتىن بولادى, دەيدى.
ەستەرىڭىزدە بولسا, «سپارتاك» كومانداسى اراعا توعىز جىل سالىپ, جوعارى ليگاعا قايتا قوسىلعان بولاتىن. قازاق فۋتبولىنىڭ وتانى سانالاتىن سەمەيدە اياقدوپتىڭ قايتا تۇلەۋىنە قالا اكىمى ايبەك كارىموۆتىڭ سىڭىرگەن ەڭبەگى ەرەكشە.
سەمەي.
