«ۇلتتىق بانك ءسىز 2021 جىلى ايقىنداعان نەگىزگى باسىمدىقتارعا سايكەس ىسكەرلىك بەلسەندىلىكتى قالپىنا كەلتىرۋگە باعىتتالعان بەيىمدەلگەن اقشا-كرەديت ساياساتىن جۇرگىزدى. بيىلعى اقپاندا ءسىزدىڭ ماكروكونوميكالىق ساياساتتىڭ ۇلەسىن كۇشەيتۋ ماقساتىندا العا قويعان مىندەتتەرىڭىزدى ىسكە اسىرۋ ءۇشىن ۇلتتىق بانك قارجى نارىعىن رەتتەۋ جانە دامىتۋ اگەنتتىگىمەن 2021-2023 جىلدارعا ارنالعان كەلىسىمگە قول قويدى», دەدى ۇلتتىن بانك توراعاسى.
ول, سونداي-اق, ەلدەگى ينفلياتسيا دەڭگەيى 7,9 پايىز بولعانىن اتاپ, ونى تىزگىندەپ ۇستاۋ ءۇشىن رەفورمالار ازىرلەۋگە كۇش سالىنىپ جاتقانىن ءمالىم ەتتى.
«جىل باسىنان باستاپ جەكەلەگەن تۇتىنۋ نارىقتارىنداعى تەڭگەرىمسىزدىك ناتيجەسىندە ينفلياتسيا 2021 جىلعى ماۋسىمدا 7,9 پروتسەنت بولدى. ورتا مەرزىمدى پەرسپەكتيۆادا ينفلياتسيانى تۇراقتاندىرۋ ءۇشىن ۇلتتىق بانك ناۋرىزدا مونەتارلىق نەگىزدەردى كۇشەيتۋگە, قارجى نارىعىن دامىتۋعا جانە ەكونوميكادا قۇرىلىمدىق رەفورمالار جۇرگىزۋگە باعىتتالعان اقشا-كرەديت ساياساتىنىڭ 2030 جىلعا دەيىنگى ستراتەگياسىن بەكىتتى», دەدى ەربولات دوساەۆ.
