الماتىدا «Techlabs CUP» حالىقارالىق كيبەرفەستيۆالى بولىپ ءوتتى. اتالمىش شارا وسىدان التى جىل بۇرىن اقش-تا تۇساۋىن كەسكەن بولاتىن. ونىڭ مەزگىلدىك ويىندارى مينسكىدە باستالىپ, كيەۆ پەن ماسكەۋدە جانە سوڭعى كەزەڭى الماتى قالاسىندا وتكىزىلدى. ءىرى كيبەروقيعاعا قازاقستان, ۋكراينا مەن رەسەي ەلدەرىنىڭ 24 كومانداسىنان قۇرالعان 115 گەيمەر قاتىسىپ, ولاردىڭ ويىنىن باقىلاۋعا 4 مىڭعا جۋىق جانكۇيەر جينالدى.
الماتىدا «Techlabs CUP» حالىقارالىق كيبەرفەستيۆالى بولىپ ءوتتى. اتالمىش شارا وسىدان التى جىل بۇرىن اقش-تا تۇساۋىن كەسكەن بولاتىن. ونىڭ مەزگىلدىك ويىندارى مينسكىدە باستالىپ, كيەۆ پەن ماسكەۋدە جانە سوڭعى كەزەڭى الماتى قالاسىندا وتكىزىلدى. ءىرى كيبەروقيعاعا قازاقستان, ۋكراينا مەن رەسەي ەلدەرىنىڭ 24 كومانداسىنان قۇرالعان 115 گەيمەر قاتىسىپ, ولاردىڭ ويىنىن باقىلاۋعا 4 مىڭعا جۋىق جانكۇيەر جينالدى.
سوڭعى جىلدارى رەسەي, بەلارۋس, ۋكراينا, قازاقستاندا تۇراقتى وتكىزىلە باستاعان بۇل فەستيۆال تمد اۋماعىنداعى كومپيۋتەر ويىندارى بويىنشا ەڭ ءىرى جارىس بولىپ سانالادى.
سونىمەن, كيبەرسپورتتىق جارىستار ەڭ تانىمال كيبەر ەرەجەلەر – World of Tanks, League of Legends, Dota 2, Counter-Strike: Global Offensive, FIFA جانە Tekken بويىنشا وتكىزىلدى. ىرىكتەۋ كەزەڭىندە ونلاين رەجىمىندە بۇكىل قازاقستان جانە تمد ەلدەرىنەن شامامەن 1000 گەيمەر قاتىستى. ولاردىڭ كەيبىرەۋلەرى عانا كيبەرفەستيۆال وتكەن «پرايم پلازا» ويىن-ساۋىق ورتالىعىندا ناقتى ۋاقىت ىشىندە 16 500 اقش دوللار كولەمىندەگى جالپى جۇلدەلى ۇتىس ويىنىنا قاتىستى.
– كيبەرسپورت, سپورتتىق يندۋستريانىڭ جاڭا سالاسى رەتىندە, جوعارى تەحنولوگيالار نارىعىمەن تىكەلەي بايلانىستا, اقپاراتتىق تەحنولوگيالار سالاسىنداعى الەمنىڭ ءىرى ويىنشىلارىنىڭ نازارىن اۋدارىپ وتىر. كومپيۋتەرلىك سپورتى دامىعان جانە ءىرى حالىقارالىق كيبەرليگالار وتكىزىلەتىن ەلدەردە, مىندەتتى تۇردە ءىرى ءىت-كومپانيالاردىڭ جوعارى تەحنولوگيالار يندۋسترياسىن دامىتۋعا ينۆەستيتسيالار تارتىلاتىن بولادى, – دەدى «Techlabs CUP» باس ديرەكتورى الەكسەي بۋردىكو.
جارىس كەزىندە حالىقارالىق كيبەرفەستيۆالىنىڭ سەرىكتەسى بولىپ كەلە جاتقان, گەيميندۋستريا ءۇشىن بىرەگەي ءونىم جەلىسىن وندىرەتىن Kingston Technology كومپانياسى فەستيۆال قاتىسۋشىلارىنا وسى سالانىڭ سوڭعى جەتىستىكتەرى مەن جاڭالىقتارىن ناسيحاتتادى.
تۋرنير جەڭىمپازدارىنا جادىنىڭ جوعارى ونىمدىلىكتى «HyperX Genesis» جانە «HyperX Blue» مودۋلدەرىنىڭ جيناقتارى, سونىمەن قاتار, «DataTraveler» فلەش-جيناعىشتارى تابىس ەتىلدى.
– قازاقستاندا كيبەرسپورت دامىپ كەلەدى. مۇنان بىلايعى جەردە ءبىز ەرەكشە گەيمەرلەردىڭ تالاپتارىن قاناعاتتاندىرىپ, ولارعا ويىنداردا, كەيىن ءىس جۇزىندە جەتىستىكتەرگە قول جەتكىزۋگە كومەكتەسۋمەن قاتار, ەكسترەمالدى جوعارى ونىمدىلىكتى جادى قۇرىلعىلارىمەن گەيمەرلەردى قامتاماسىز ەتەتىن بولامىز, – دەيدى Kingston Technology كومپانياسىنىڭ قازاقستانداعى جانە تمد ەلدەرىندەگى وكىلى اندرەي لارچەنكوۆ.
بۇگىنگى كۇنى الەمنىڭ قوسالقى گەيمەر مادەنيەتىنە 300 ميلليوننان استام حالىق, رەسەيدە شامامەن 40 ميلليون گەيمەر تارتىلعان. بۇل سان 2016 جىلعا قاراي ەكى ەسەلەنەدى دەگەن بولجام بار. وسىعان ۇقساس ستاتيستيكا تمد-نىڭ بارلىق ەلدەرىندە دە كەزدەسەدى. گەيم-يندۋسترياسى دامىعان ەلدەردە (اقش, قىتاي, وڭتۇستىك كورەيا جانە باسقالار) كيبەرسپورت ءىت-ماماندىعى بويىنشا ىلگەرىلەۋ باسپالداعىنىڭ ءبىرى بولىپ سانالادى. بۇگىنگى تاڭدا ونىڭ سۇرانىسى الەمدە وتە جوعارى.
اشىق دەرەككوزدەردىڭ ءمالىمەتتەرىنە كوز سالساق, Yandex, Google جانە الەمدەگى ەڭ ءىرى كومپانيالاردىڭ ءاربىر ەكىنشى/تورتىنشى قىزمەتكەرى ەكس-گەيمەر بولىپ تابىلادى. الەمدەگى قىزمەت بويىنشا بوس ورىنداردىڭ 60 پايىزىن IT-ماماندارىن ىزدەۋ دەرەگى قۇرايدى. تمد ەلدەرىندە ءاربىر بەسىنشى بوس ورىن – IT جانە IT-ماماندارىنا سۇرانىس ورتاشا ەسەپپەن 1,5 ەسەگە ارتىق.
قازىرگى تاڭدا قازاقستاندىق گەيمەرلەر دە ءارتۇرلى ليگالارعا جانە فەستيۆالدەرگە تۇراقتى قاتىسىپ كەلەدى. وعان قوسا گەيمەرلەردىڭ كاسىبي كوماندالارىن قۇرۋ جانە ودان ءارى دامىتۋدى كوزدەپ وتىر.
ال الماتىداعى كيبەرفەستيۆال سپورتتىق شوۋدىڭ بارلىق ەرەجەلەرى بويىنشا وتكىزىلدى. فەستيۆالدىڭ ءاربىر قوناعى جاڭا ويىنداردى تەستىلەدى, جەكپە-جەكتىڭ تەست-درايۆتارىنا قاتىستى. ال جانكۇيەرلەر مىقتى كيبەرسپورتشىلاردان اۆتوگراف الىپ, سۇيىكتى ويىنشىلارى مەن كوماندالارعا جاقتاستى.
ايناش ەسالي,
«ەگەمەن قازاقستان».
الماتى.
