ەڭبەك قاتىناستارىنداعى اعاتتىقتار, ەڭبەك قاۋىپسىزدىگىنىڭ ساقتالماۋى, شەتەلدىك جانە جەرگىلىكتى جۇمىسشىلار اراسىنداعى ەڭبەكاقى بويىنشا ايىرماشىلىقتاردىڭ بولۋى قاشاندا الەۋمەتتىك شيەلەنىستىڭ ۋشىعۋىنا سوقتىراتىنى بەلگىلى. ونى كۇنى كەشەگى جاڭاوزەن وقيعاسىنىڭ وزىنەن اڭعارۋعا بولادى. مىنە, جەرگىلىكتى بيلىكتىڭ بۇل ماسەلەنى باستى نازاردا ۇستاۋى دا سوندىقتان. وسى جانە باسقا ماسەلەلەر وبلىس اكىمى ارحيمەد مۇحامبەتوۆتىڭ توراعالىق ەتۋىمەن وتكەن كەڭەستە كەڭىنەن ءسوز بولدى.
ەڭبەك قاتىناستارىنداعى اعاتتىقتار, ەڭبەك قاۋىپسىزدىگىنىڭ ساقتالماۋى, شەتەلدىك جانە جەرگىلىكتى جۇمىسشىلار اراسىنداعى ەڭبەكاقى بويىنشا ايىرماشىلىقتاردىڭ بولۋى قاشاندا الەۋمەتتىك شيەلەنىستىڭ ۋشىعۋىنا سوقتىراتىنى بەلگىلى. ونى كۇنى كەشەگى جاڭاوزەن وقيعاسىنىڭ وزىنەن اڭعارۋعا بولادى. مىنە, جەرگىلىكتى بيلىكتىڭ بۇل ماسەلەنى باستى نازاردا ۇستاۋى دا سوندىقتان. وسى جانە باسقا ماسەلەلەر وبلىس اكىمى ارحيمەد مۇحامبەتوۆتىڭ توراعالىق ەتۋىمەن وتكەن كەڭەستە كەڭىنەن ءسوز بولدى.
ايماق باسشىسى وبلىس ءوڭىرىندەگى ەڭبەك قاتىناستارى سالاسىنداعى جاعدايدىڭ جەرگىلىكتى اتقارۋشى ورگانداردىڭ تىكەلەي باقىلاۋىندا ەكەنىن, وسى نازىك سالاداعى ورىن العان پروبلەمالىق ماسەلەلەرگە بايلانىستى كاسىپورىنداردىڭ باسشىلارىنىڭ ەسەپتەرى تىڭدالاتىنىن, الايدا, بىرقاتار اتقارىلعان جۇمىستارعا قاراماستان, جەكەلەگەن ءتارتىپ بۇزۋشىلىقتار ءالى دە ورىن الىپ وتىرعانىنا الاڭداۋشىلىق ءبىلدىردى. ول نەگىزىنەن قىزمەتكەرلەردىڭ ەڭبەكاقى بەرەشەكتەرىنە قاتىستى بولىپ وتىر. سونداي-اق, مەملەكەتتىك ەڭبەك ينسپەكتسياسى ءجۇرگىزگەن كاسىپورىندارداعى تەكسەرۋلەردە انىقتالعان وندىرىستەگى اۋىر جاراقات, ءتىپتى ولىممەن اياقتالعان اۋىر جاعدايلار, سونداي-اق ەڭبەكاقى جونىندەگى قارىزدار, شەتەلدىك كومپانيالارداعى ەڭبەكاقى تولەۋدەگى سايكەسسىزدىكتەر تولىق جويىلدى دەۋگە بولمايدى.
اقتوبە وبلىسىنىڭ ەڭبەك ينسپەكتسياسى جونىندەگى باسقارماسىنىڭ باسشىسى مارات عابيدۋلليننىڭ مالىمدەۋىنشە, وبلىستاعى 20 ءىرى كاسىپورىندا جۇمىسشى-قىزمەتكەرلەردىڭ اۋىر جاراقات, ءتىپتى قازا بولۋىمەن اياقتالعان وقيعالار ورىن العان. مۇنداي كاسىپورىنداردىڭ قاتارىندا «قازاقستان تەمىر جولى» اكتسيونەرلىك قوعامىنىڭ قاندىاعاش جول ديستانتسياسى, «ساعىز پەترولەۋم», « ۇلى قابىرعا» قازاقستان-قىتاي بۇرعىلاۋ كومپانياسى» جاۋاپكەرشىلىگى شەكتەۋلى سەرىكتەستىكتەرى بار.
باسقارما باسشىسى ادامداردىڭ اۋىر جاراقات الۋىنا جانە ولىمىنە سوقتىراتىن وقيعالاردىڭ وتكەن جىلعا قاراعاندا, بيىل وبلىستا 30 پايىز تومەندەگەنىن جەتكىزدى. دەگەنمەن, مۇنداي جاعدايلاردىڭ ءالى دە از ەمەس ەكەنىنە ناقتى دەرەكتەر كەلتىردى. جىل ىشىندە 16 ادام قازاعا ۇشىراعان. وتكەن جىلدىڭ اقپان ايىندا «قازاقستان تەمىر جولى» اكتسيونەرلىك قوعامى قاندىاعاش جول ديستانتسياسىندا بىرنەشە ادامنىڭ باقىتسىزدىق جاعدايعا ۇشىراۋى ورىن الدى. ەڭبەك ۇيىمداستىرۋدا جىبەرىلگەن قاتەلىكتەردەن لوكوموتيۆ جۇمىسكەرلەردى باسىپ ءوتىپ, ءۇش جول ءجوندەۋشى سول جەردە قازا بولسا, ءبىر ادام اۋىر جاراقات الدى. باسقارما باسشىسى باسقارعان ارناۋلى تەكسەرۋ كوميسسياسىنىڭ تالابى بويىنشا شارا الىنىپ, فيليال ديرەكتورى ش.قۇرمانباەۆ, ۋچاسكە باستىعى ن.ەشماعانبەتوۆ, ديرەكتوردىڭ ورىنباسارى ن.ەلتەزەروۆ جۇمىستارىنان بوساتىلىپ, باس ينجەنەر ن. ورىسباەۆقا قاتاڭ ءسوگىس جاريالانعان. ۇجىمدىق شارتقا سايكەس زارداپ شەككەن وتباسىلارىنا ماتەريالدىق جاردەم كورسەتىلگەن. تەمىرجولشىلاردىڭ قايىرىمدىلىق قورىنان زارداپ شەككەن وتباسىلارىنىڭ ءارقايىسىنا 34, 28, 19 ملن. تەڭگەدەن قارجى بولىنگەن. سونداي-اق, قازا بولعانداردىڭ وتباسىلارىنا اسىراۋىنداعى ادامداردىڭ سانىنا قاراي ساقتاندىرۋ كومپانياسىنان اي سايىن قارجى تولەنەتىن بولدى.
«ساعىز پەترولەۋم» جاۋاپكەرشىلىگى شەكتەۋلى سەرىكتەستىگىندە 2 قىزمەتكەردى اجال قۇشتىرعان وقيعا دا وندىرىستەگى ەڭبەكتى ۇيىمداستىرۋداعى بەرەكەسىزدىكتەن, قىزمەتكەرلەردىڭ قاۋىپسىزدىك تەحنيكاسىن ساقتاماۋىنان بولعان. ۆاحتالىق كەنتتە جۇمىسشىلار تەحنيكالىق سۋ ساقتالعان 25 تەكشە مەترلىك ىدىسقا وزدەرىمەن بىرگە ءورت سوندىرەتىن قۇرىلعىنى تۇسىرەدى, ونى ىدىستاعى سۋدى ايداۋ ءۇشىن ىسكە قوسادى, اقىرىندا گازدان ۋلانىپ ولەدى. بۇعان كىنالى جاۋاپتى ادامدار اكىمشىلىك جازاعا تارتىلدى. قازاعا ۇشىراعان ن.نيازبەكوۆتىڭ وتباسىنا 6 ملن. 800 مىڭ تەڭگە, ا.تىلەۋجانوۆتىڭ وتباسىنا 8 ملن. 275 مىڭ تەڭگە قارجى ءبولىندى. جەرلەۋ شىعىندارى تۇگەلدەي جۇمىس بەرۋشىنىڭ قارجىسى ەسەبىنەن تولەندى.
وتكەن جىلدىڭ ءساۋىر جانە قىركۇيەك ايلارىندا « ۇلى قابىرعا» جاۋاپكەرشىلىگى شەكتەۋلى سەرىكتەستىگىندە ولىممەن اياقتالعان ەكى وقيعا ورىن الدى. بىرەۋىندە جۇمىسشى تەمىر ءپىسىرۋ كەزىندە قازا بولسا, ەكىنشىسىندە ۆاگون جوندەۋ كەزىندە اراعا كەسىلدى. بۇل ادامدار دانەكەرلەۋ اگرەگاتى مەن كەسكىش قۇرالىنا مۇلدە قاتىسى جوق, بۇل كاسىپتى مۇلدە بىلمەيتىن ماماندار بولىپ شىقتى. ءبىرىنشى جاعداي بويىنشا اكىمشىلىكتىڭ جاۋاپتى 8 قىزمەتكەرى تارتىپتىك جازاعا تارتىلدى. ەڭبەك شارتىنىڭ تالابىنا سايكەس قازا بولعان ا.يسماتۋللاەۆتىڭ وتباسىنا 4 ملن. تەڭگە ءبولىنىپ, ساقتاندىرۋ كومپانياسىنان 1,5 ملن. تەڭگە كولەمىندە بىرجولعى قارجى تولەندى, جۇمىس بەرۋشىنىڭ ەسەبىنەن شىعىندار وتەلدى. ەكىنشى وقيعا بويىنشا 9 باسقارۋشى قىزمەتكەر تارتىپتىك جازاعا تارتىلدى. قازاعا ۇشىراعان ە. وماروۆتىڭ وتباسىنا ۇجىمدىق شارت بويىنشا 2 ملن. 500 مىڭ تەڭگە تولەنىپ, جەرلەۋ شىعىندارى كومپانيانىڭ ەسەبىنەن اتقارىلدى.
سونداي-اق, «سنپس-اقتوبەمۇنايگاز» فيليالدارىندا جانە مەردىگەرلىك مەكەمەلەرىندە, «اقتوبە مۇناي سەرۆيس», «اقتوبە كولىك كومپانياسى» جاۋاپكەرشىلىگى شەكتەۋلى سەرىكتەستىگى, جاڭاجول گاز وڭدەۋ زاۋىتى, «ۆوستوكنەفت جانە سەرۆيستىك قىزمەت كورسەتۋ» جاۋاپكەرشىلىگى شەكتەۋلى سەرىكتەستىكتەرىندە ءبىر-بىردەن كىسى ءولىمىمەن اياقتالعان وقيعالار ورىن الدى. بارلىق قىزمەتكەرلەر ءتارتىپتىك جازاعا تارتىلدى. قازا بولعانداردىڭ وتباسىلارىنا ۇجىمدىق شارتقا سايكەس ماتەريالدىق شىعىن تولەندى. ادام ولىمىمەن اياقتالعان وقيعالاردىڭ تەرگەۋ ماتەريالدارى قىلمىستىق ءىس قوزعاۋ ءۇشىن قۇقىق قورعاۋ ورگاندارىنا بەرىلگەن.
وندىرىستىك نىسانداردى ەڭبەك شارتتارى جونىندەگى اتتەستاتسيادان وتكىزۋ كوپتەگەن كاسىپورىنداردا انشەيىن كوز الداۋ ءۇشىن ءجۇرگىزىلەتىنى بەلگىلى بولدى. تەك ءۇستىمىزدەگى جىلدىڭ باسىنان ەڭبەك ينسپەكتورلارى ارقىلى 137,6 ملن. تەڭگەدەن استام ەڭبەكاقىعا قاتىستى قارىزداردى انىقتاپ, قابىلدانعان شارالارىنىڭ ناتيجەسىندە ەڭبەكاقى جونىندەگى بۇل قارىزدار تولىق وتەلگەن. الايدا, ەڭبەكاقى تولەۋدە سوزىلىپ جۇرگەن قارىزدار «ۆيتادورستروي» جاۋاپكەرشىلىگى شەكتەۋلى سەرىكتەستىگى, «مارتۋكسەرۆيس», «كوكجار» مەملەكەتتىك كوممۋنالدىق كاسىپورىندارى جانە باسقا مەكەمەلەردە ءالى دە بار كورىنەدى. سالىق دەپارتامەنتىنىڭ دەرەكتەرى بويىنشا ەڭبەكاقى جونىندەگى اعىمداعى قارىز «تەحكوم-س», «ويلتەحنوگرۋپپ», «سترويتەكس لتد», «سترويتەلنايا ينيتسياتيۆا», «اقتوبە نگس», «بەرەن ي سك» جاۋاپكەرشىلىگى شەكتەۋلى سەرىكتەستىكتەرىندە, «اكتيۋبگراجدانپروەكت» وندىرىستىك كووپەراتيۆىندە, «ءورت ءسوندىرۋشى» اكتسيونەرلىك قوعامىندا كۇنى بۇگىنگە دەيىن ساقتالىپ وتىر.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
