ايماقتار • 09 شىلدە، 2021

الماتىلىقتار اۋىز سۋدىڭ لاستىعىنا شاعىمداندى

73 رەت كورسەتىلدى

الماتىداعى اقجار شاعىن اۋدانىنىڭ تۇرعىندارى ارىقتان اعاتىن لاس اۋىز سۋعا شاعىمداندى. ناۋرىزباي اۋدانىنىڭ اكىمدىگى قالا تۇرعىندارىنىڭ نارازىلىعىنا جاۋاپ بەردى، دەپ حابارلايدى Egemen.kz.

الماتى تۇرعىندارى اقجار كەنتىندەگى اۋىز سۋ قۇبىرى ماسەلەسى بويىنشا نارازىلىقتارىن بىلدىرۋدە. ولاردىڭ ايتۋى بويىنشا ارىقتان اققان سۋ ىشۋگە جارامسىز.

ناۋرىزباي اۋدانىنىڭ اكىمدىگى بۇنى جاڭا سۋ قۇبىرلارىن وتكىزۋ قابىلەتىنىڭ ازدىعىمەن بايلانىستىرادى. 

«ناۋرىزباي اۋدانىنىڭ جپۋ كۇشىمەن «الماتى سۋ» مكك سۋمەن جابدىقتاۋداعى ماسەلەلەردى جويۋعا باعىتتالعان ءىس-شارالار كەشەنىن جۇرگىزۋدە. سۋ بولماعان كەزدە تۇرعىندارعا سۋدى ارنايى تەحنيكامەن جەتكىزۋ ۇيىمداستىرىلاتىن بولادى. سۋدى جەتكىزۋگە ءوتىنىم بەرۋ ءۇشىن تۇرعىندار مىنا تەلەفوندار ارقىلى حابارلاسا الادى: +7 (747) 795-95-96، +7 (701) 995-88-92»، دەپ ءتۇسىندىردى اكىمدىكتەگىلەر.

سونداي-اق تۇرعىنداردى سۋمەن ۇزدىكسىز قامتاماسىز ەتۋ ءۇشىن شاعىن اۋدانداردا دا جۇمىستار جۇرگىزىلۋدە. اقجار «الماتى قالاسىنىڭ ەنەرگيا تيىمدىلىگى جانە ينفراقۇرىلىمدىق دامۋ باسقارماسى» كمم تاپسىرىسى بويىنشا ينجەنەرلىك كوممۋنيكاتسيالار (سۋ قۇبىرى جانە كارىز) قۇرىلىسى بويىنشا كەشەندى ءىس-شارالاردى، ونىڭ ىشىندە سۇزگى ستانتسياسىن قايتا جاڭارتۋ مەن جاڭا ينجەنەرلىك جەلىلەردى سالۋ جۇمىستارى جالعاسۋدا. قۇرىلىس جۇمىستارىنىڭ اياقتالۋى اعىمداعى جىلدىڭ جەلتوقسان ايىنا جوسپارلانىپ وتىر.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

ۇقساس جاڭالىقتار