وسى ءبىر ەكى جاستىڭ تويى وتكەنىنە ءبىراز بولىپ قالدى. جۇپتارى جاراسقان مەيىرجان قۋانىشەۆ پەن ساۋلە سلامبەكقىزىنىڭ تاتۋ-ءتاتتى تىرشىلىگى ەكىنىڭ ءبىرىن ءتانتى ەتكەندەي. مەيىرجاننىڭ قوس جانارى سەمىپ قالعان عاشىق جارى ساۋلەگە ءىلتيپاتى مۇلدەم بولەك. ول قالاداعى ءبىر كۇزەت بولىمىندە ەڭبەك ەتەدى. جالاقىسى دا ءماز ەمەس. جۇمىستان ورالعان بويدا ساۋلەنىڭ قاس-قاباعىنا قاراپ, ءۇي تىرشىلىگىنە بەلسەنە ارالاسىپ كەتەدى. قولدارى بوساسا بىرگە سەرۋەندەيدى, توي-دۋماندارعا بارادى, سىر اعىتىپ قايتادى. ءيا, مۇنداي قوس جۇرەكتەرى ۇعىسقان عاجاپ جاندار ءومىرى ەكىنىڭ بىرىنە ونەگە دەسەك, ارتىق بولماس.
وسى ءبىر ەكى جاستىڭ تويى وتكەنىنە ءبىراز بولىپ قالدى. جۇپتارى جاراسقان مەيىرجان قۋانىشەۆ پەن ساۋلە سلامبەكقىزىنىڭ تاتۋ-ءتاتتى تىرشىلىگى ەكىنىڭ ءبىرىن ءتانتى ەتكەندەي. مەيىرجاننىڭ قوس جانارى سەمىپ قالعان عاشىق جارى ساۋلەگە ءىلتيپاتى مۇلدەم بولەك. ول قالاداعى ءبىر كۇزەت بولىمىندە ەڭبەك ەتەدى. جالاقىسى دا ءماز ەمەس. جۇمىستان ورالعان بويدا ساۋلەنىڭ قاس-قاباعىنا قاراپ, ءۇي تىرشىلىگىنە بەلسەنە ارالاسىپ كەتەدى. قولدارى بوساسا بىرگە سەرۋەندەيدى, توي-دۋماندارعا بارادى, سىر اعىتىپ قايتادى. ءيا, مۇنداي قوس جۇرەكتەرى ۇعىسقان عاجاپ جاندار ءومىرى ەكىنىڭ بىرىنە ونەگە دەسەك, ارتىق بولماس.
ايالدامادا اۆتوبۋس كۇتىپ وتىرعاندار اڭگىمەنى ودان-بۇدان قوزعاپ وتىر. قاسىما بەيتانىس ءبىر كىسى كەلىپ وتىرا كەتتى.
– قاي جەردىڭ جىگىتى بولاسىڭ؟
– ارالدىڭ اقشاتاۋىنانمىن. تاسبوگەتتەگى مۇراتباەۆ كوشەسىندە تۇرامىن.
– زەينەتكەرسىڭ بە؟
– ءالى ءۇش جىل بار. قالادا ءبىر مەكەمەدە اعاش جونۋشىمىن. ەسىك, تەرەزە ىستەيمىن. جالاقىم 45 مىڭ تەڭگەدەي, ەكى ۇل, ەكى قىزىم بار. ەكەۋى ستۋدەنت, اقىلى وقۋدا. زايىبىم ءۇي شارۋاسىندا. جۇمىستان الگى ازىردە شىقتىم.
– جاقسى ەكەن, ءۇرىم-بۇتاعىڭ ءوسىپ كەلەدى ەكەن, ازاماتىم!
– شۇكىر, شۇكىر اعا! ال, ءوزىڭىز قانداي قىزمەت ىستەيسىز؟ – دەپ بەيتانىس كىسى قارسى سۇراق قويدى. شەشىلىپ سويلەۋگە شىقتى.
– زەينەتكەرمىن. بىرەر جىلدا سەكسەننىڭ توبەسىن كورەيىن دەپ تۇرمىن.
– اعاسى, ءالى قۋاتتى كورىنەسىز. ءبىز الپىسقا جەتپەي دىڭكەلەپ قالدىق, – دەپ ءازىل قاعىستىردى.
اڭگىمەمىز جالعاسا بەردى. اۆتوبۋستان ءالى حابار جوق. ەكەۋارا ءبىراز اڭگىمەنىڭ باسىن شالدىق.
– وتباسىن قۇرعان ۇل-قىزدارىڭ بار بولار, ءىنىم دەي بەرگەنىمدە: – ءا, بۇل سۇراق ءسال اۋىرلاۋ ءتيىپ تۇر. ءبىر ۇلىم جاقىندا ۇيلەندى. كەلىنىمنىڭ ەكى كوزى كورمەيدى. بالام وسى قىزعا ۇيلەنەم دەپ وتىرىپ الدى. قازىر بىرگە تۇرامىز. سوناۋ 1972 جىلى سالىپ العان ءتورت بولمەلى ءۇي ءسال-ءپال تارلىق قىلعانداي. كوڭىل جاراسسا ءبارى كەڭ عوي. سوعىس جىلدارىندا كورەي, چەشەن اعايىندارعا ءبىر بولمەمىزدى بوساتىپ بەرگەن بابالارىمىز, – دەي بەرگەندە اۆتوبۋس كەلدى. – ساۋ بولىڭىز اعا! – دەپ بەيتانىس جىگىت تاسبوگەت قونىسىنا قاراي اتتانىپ كەتتى.
مەن كەلەر اۆتوبۋسقا وتىردىم. ۇزاق وي ۇستىندە كەلەمىن. ۇلى جاقىندا ۇيلەنگەن, كەلىنىنىڭ ەكى كوزى كورمەيدى. مۇندا قانداي سىر بار؟ ەكى جاستىڭ قوسىلۋى مەنى تاڭىرقاتۋمەن بولدى. بىرەر كۇننەن سوڭ قالا ىرگەسىندەگى تاسبوگەت قونىسىنان قۋانىش قىپشاقوۆ اتتى جىگىتتىڭ وتباسىن ىزدەۋگە شىقتىم. مۇراتباەۆ كوشەسىندەگى №71-ءشى ءۇي ەكەن. اۋلا ىشىندەگى ءبىر بولمەدەن ستانوك داۋىسى ەستىلدى. الدىمنان بۇدان بىرەر كۇن بۇرىنعى كەزدەسكەن جىگىت اعاسى ۇشىراستى. شاعىن بولمەدە اعاش جونىپ جاتىر. دەرەۋ جۇمىسىن تاستاي سالىپ, ۇيگە قاراي بەتتەدىك.
الدىمىزدان ەنەسى جاڭاگۇل, بۇلارعا ىلەسە ۇلى مەيىرجان, كەلىنى ساۋلە شىقتى.
– وتاۋ قۇرعاندارىڭ قۇتتى بولسىن!
– راحمەت اعا, – دەپ مەيىرجان, ساۋلە ەكەۋى ىلە داستارقان جايدى.
– ال, اڭگىمەنى ايتا وتىر, جاس وتاۋ يەسى مەيىرجان؟
– اعا, مەن بيىل جيىرما التىدامىن. اتا-انام قارتايىپ كەلەدى. نەسىن جاسىرايىن, ناعىز كەلىن جۇمسايتىن كەزى. قىزدارعا كوز سالىپ جۇرگەنمىن. بىردە دوسىم نۇرلىبەكتىڭ ۇيىنە باردىم. ايەلى ەلۆيرانىڭ قاسىندا ءبىر قىز شاي ءىشىپ وتىردى. سىمباتى كەلىسكەن. ءبىراز سىر اعىتتىق. ءوزىن ساۋلە دەپ تانىستىردى, تەلەفونىنىڭ ءنومىرىن سۇرادىم. ارادا بىرەر اي ءوتتى.
– ساۋلە, وزىڭمەن قوسىلۋ ويىمدا بار, قالاي قارايسىڭ؟ – دەدىم.
– وي, مەيىرجان-اي, مەنىڭ ەكى كوزىم كورمەيدى عوي. سەنىڭ وتباسىڭا سالماق تۇسىرەمىن, ساعان دا وڭاي تيمەيدى.
– جوق, ساعان قوسىلامىن. وتباسىممەن اقىلداستىم, ساۋلە! مەن سەنى سۇيەمىن...
– قيناماشى, مەيىرجان! مەندەي مۇگەدەك جاندى قايتەسىڭ؟
وسى ساتتە مەيىرجان كوزىنەن جاستى ىركىپ الدى. قارسى الدىندا تۇرعان ساۋلەنىڭ قوس جانارىنان تامشىلاعان جاس جىگىت كوكىرەگىن جۋىپ كەتتى. قوس ىستىق قۇشاق وت بولىپ شارپىلدى. جىگىت ءتوس قالتاسىنداعى ورامالىمەن كوز جاسىن تيا الماي ۇزاق تۇردى.
– اتا-انامنىڭ الدىنان ءوتىپ, باتاسىن الايىق, – دەگەن ساۋلەنىڭ ءوتىنىشىن قۇپ الدى مەيىرجان.
كۇزدىڭ شۋاقتى كۇندەرىنىڭ ءبىرى ەدى.
ساۋلەنىڭ وتباسىنا كۇيەۋ جىگىت مەيىرجان قۋانىشەۆتىڭ اعايىن-تۋىستارى كەلدى. ەكى جاسقا اق باتا جاۋدى. ۇزاتۋ تويىنىڭ بولار كۇنى بەلگىلەندى. ساۋلەنىڭ اكەسى سلامبەك پەدياتر-دارىگەر, اناسى اننا تەراپەۆت-دارىگەر ەدى. تويدى قالانىڭ گاگارين شاعىن اۋدانىنداعى «تۇيمەكەنت» ءدامحاناسىندا وتكىزۋدى ۇيعاردى. سونىمەن توي-دۋمان جاقسى ءوتتى. كەلەر توي مەيىرجان قۋانىشەۆتىڭ وتباسىندا جالعاستى.
الگى ازىردە مەيىرجان تەلەفون شالدى. بۇگىن اعايىن-تۋعانداردىڭ باسىن قوسىپ, اتاسى سلامبەك پەن زايىبى اننانى قوناققا شاقىرىپتى. سولارمەن داستارقانداس بولۋدىڭ ماعان دا ءساتى ءتۇستى. قۇراقتاي ۇشىپ, قوناقتاردى كۇتىپ جۇرگەن مەيىرجان-ساۋلەلەر تاعى دا قارشا جاۋعان كوپتىڭ باتاسىن الىپ, قول جايىپ تۇردى.
بۇل كۇندەرى جاس وتباسىلار تاتۋ-ءتاتتى ءومىر سۇرۋدە. الداعى ارماندارى ۇشان-تەڭىز. جاڭا پاتەردەن ەكى بولمەلى ءۇي تيسە, ءبىر شاڭىراق بولىپ وتىرساق دەيدى. قايسىكۇنى ۋچاسكەلىك دارىگەر ۇيگە كەلىپ, ساۋلەنىڭ پەرزەنتحاناعا ەمدەلۋ قاجەتتىگىنە نۇسقاۋ بەرىپ كەتىپتى. قۋانىشەۆتار اۋلەتىندە تاعى ءبىر توي-دۋمان كەزەك كۇتىپ تۇرعان سىڭايلى. دۇنيەگە جاس ءسابي كەلەر كۇن جاقىنداي تۇسكەن ءتارىزدى. ال, بۇعان قۋانباي كور. قوس جۇرەك – قوس عاشىق وسى ءبىر ءساتتى تاعى دا اسىعا كۇتىپ وتىر.
قايىربەك مىرزاحمەت ۇلى.
قىزىلوردا وبلىسى,
تاسبوگەت اۋىلى.
