م.احمەتجانوۆتىڭ ايتۋىنشا, جىل سايىن مەملەكەت تاراپىنان اۋىل شارۋاشىلىعى سالاسىنا قوماقتى قارجى بولىنەدى.
«الايدا ول قالاي جۇمسالىپ جاتىر؟ ءتيىستى ادامدار الىپ جاتىر ما؟ ناتيجە بار ما؟ بازاردا كارتوپ, ءسابىز باعاسى ءوسىپ كەتتى. ونى قالاي تۇسىنۋگە بولادى؟ مەملەكەت ءبولىپ جاتقان قارجى قايدا كەتىپ جاتىر؟ سۋبسيديا سالاسىندا حالىقتى تولعاندىراتىن ماسەلە از ەمەس», دەدى ول.
اگەنتتىك توراعاسىنىڭ ايتۋىنشا, كوبى سۋبسيديانى اشىق ءارى ادال الۋعا بولاتىنىنا سەنبەيدى. سۋبسيدياعا تاپسىرىس بەرۋ قاراپايىم فەرمەرلەر ءۇشىن تۇسىنىكسىز جانە تىم كۇردەلى. سول سەبەپتى حالىقتىڭ اۋىلدا تۇرعىسى كەلمەيدى دەپ سانايدى ول.
«سوندىقتان سۋبسيديالار حالىققا قانشالىقتى جەتىپ جاتقانىن قاداعالاۋ كەرەك. انتيكور حالىقتىڭ جان ايقايىنا قۇلاق اسادى. بۇل جۇمىسقا وزگە مەملەكەتتىك ورگانداردى جۇمىلدىرىپ, وسى ءىستىڭ ۇيىتقىسى بولامىز. ارينە, ءبىز اۋىل شارۋاشىلىعى, تسيفرلاندىرۋ مامانى ەمەسپىز, بىراق قانداي تاۋەكەلدەر بارىن اشىق كورسەتىپ, مەملەكەتتىڭ شارا قولدانۋىنا الىپ كەلۋىمىز كەرەك», دەدى مارات احمەتجانوۆ.
