جارىستى ۇيىمداستىرۋشىلاردان ارنايى شاقىرتۋ العان ب.جۋكاەۆ ەكىنشى اينالىمدا وسى دودانىڭ 4-راكەتكاسى, اۋستراليالىق دجەيسون كۋبلەرمەن كەزدەستى. اقتاۋ تەننيس مەكتەبىنىڭ تۇلەگى, 20 جاستاعى بەيبىت جۋكاەۆ 1:6, 7:6 (11:9), 7:5 ەسەبىمەن جەڭىسكە جەتتى. ءۇش ساعات 32 مينۋتقا سوزىلعان اسا تارتىستى ماتچتا بەيبىت 11 ەيس, 2 برەيك جاسادى. قارسىلاسى, 28 جاستاعى د.كۋبلەر 6 ەيس, 4 برەيككە قول جەتكىزدى.
«تاجىريبەلى تەننيسشىنى جەڭگەنىمە قۋانىشتىمىن. بۇگىن اۋا رايى قولايلى بولماي, كۇشتى جەل كەدەرگى جاسادى. ەكىنشى پارتيادا سوعان بەيىمدەلىپ, دوپتى جاقسى بەرە الدىم. دجەيسون دا كەرەمەت وينادى. دەگەنمەن ءوز جوسپارىمدى اياعىنا دەيىن جۇزەگە اسىرا ءبىلدىم», دەدى ب.جۋكاەۆ.
قازاقستاندىق تەننيسشى جارتىلاي فينالعا ءوتۋ ءۇشىن رەسەيلىك پەتر بيريۋكوۆپەن سايىسقا تۇسەدى.
