جەر كوميسسياسى قۇرىلىپ, بىرنەشە وتىرىسى ءوتتى. كوميسسيا قۇرامىنداعى ساراپشىلار جان-جاقتى تالقىلاپ, پرەزيدەنت نازارىنا ۇسىنعان شەشىمدەر اياق استى قالمادى. جەردىڭ شەتەلدىكتەرگە ساتىلمايتىنىن ناقتىلاعان مەملەكەت باسشىسى ەندىگى كەزەكتە وسى سالاداعى كەزەك كۇتتىرمەيتىن ماسەلەلەرگە نۇكتە قويدى.ماقساتى بوي̆ىنشا پاي̆دالانىلماي̆ جاتقان جəنە يگەرىلمەگەن, نە قازاقستان رەسپۋبليكاسىنىڭ زاڭناماسىن بۇزا وتىرىپ پاي̆دالانىلىپ جۇرگەن جەر ۋچاسكەلەرىن انىقتاۋ جəنە الىپ قويۋ تۋرالى ناقتى نۇسقاۋلىق بەرىلدى. ەندى جەرگىلىكتى اتقارۋشى ورگاندار بۇل ماسەلەگە ءجىتى نازار سالىپ, پرەزيدەنت تاپسىرماسىن ورىندايدى عوي دەگەن سەنىمدەمىن. سونداي-اق شەكارالىق اي̆ماق شەگىندە ورنالاسقان اۋىل شارۋاشىلىعى ماقساتىنداعى جەر ۋچاسكەلەرى ەل ازاماتتارىنا جəنە شەتەلدىك قاتىسى جوق قازاقستاننىڭ زاڭدى تۇلعالارىنا ۋاقىتشا پاي̆دالانۋ قۇقىعىمەن بەرىلەتىنى دە شەگەلەندى.
اقپاراتتىڭ اشىق ءارى بارشاعا قولجەتىمدى بولۋىن قامتاماسىز ەتۋدىڭ ماڭىزى تالاي ايتىلدى. وسىعان وراي زاڭدا جەرگىلىكتى اتقارۋشى ورگاندى بوس جەر ۋچاسكەلەرى جونىندەگى اقپاراتتى مەملەكەتتىك م ۇلىك ءتىزىلىمىنىڭ ۆەب-پورتالىندا, وزدەرىنىڭ ينتەرنەت-رەسۋرستارىندا جəنە حالىققا قولجەتىمدى جەرلەردەگى ارناۋلى اقپاراتتىق ستەندتەردە دەرەكتەردى توقسان ساي̆ىن جاڭارتىپ وتىرۋعا مىندەتتەيدى. بۇل جاريالىلىق ازاماتتىق قوعامنىڭ قالىپتاسىپ, ودان ءارى دامۋىنا زور ۇلەس قوسادى. سەبەبى مەملەكەتتىك ورگان اشىق بولسا, حالىق تا بارلىعىنان حاباردار بولىپ, قاراڭعىدا قالمايدى. ودان بولەك, جەر كوميسسياسىنىڭ حاتتامالىق شەشىمدەرى وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ, وبلىستىق ماڭىزى بار قالانىڭ ءتيىستى ۋəكىلەتتى ورگانىنىڭ ينتەرنەت-رەسۋرسىندا اي̆ ساي̆ىن جاريالانىپ تۇرۋى كەرەك. مۇنىڭ بارلىعى حالىقتىڭ يگىلىگىن كوزدەيتىن باستامالار ەكەنى ءسوزسىز. سول سەبەپتى جەر ماسەلەسىندە جەرگىلىكتى دەڭگەيدە تۇرالاپ قالعان كوپ ماسەلەنىڭ ءتۇيىنى تارقايدى دەپ سەنەمىز.
تولەۋتاي راحىمبەكوۆ,
«اۋىل» پارتياسى توراعاسىنىڭ ءبىرىنشى ورىنباسارى, ەكونوميكا عىلىمدارىنىڭ دوكتورى
