اقمولا وبلىسىنىڭ ورتالىعى – كوكشەتاۋ قالاسىندا جۋىردا بوسانعان ايەل نارەستەسىمەن بىرگە پەرزەنتحانا عيماراتىنىڭ ەكىنشى قاباتىنان سەكىردى. بۇل تۋرالى «قازاقستان» تەلەارناسى حابارلادى.
ءسابي امان قالعانىمەن, اناسىنىڭ باس سۇيەگىنە زاقىم كەلدى جانە ونىڭ اياعى سىندى. دارىگەرلەردىڭ ايتۋىنشا, ايەل نارەستەنى ساۋ قالپىندا بوسانعان. ونىڭ نەلىكتەن مۇنداي قادامعا بارعانى ءالى انىقتالا قويعان جوق. بەلگىلىسى, 27 جاستاعى كەلىنشەك قىلمىستىق اتقارۋ جۇيەسى دەپارتامەنتىندە جەدەل ۋاكىل بولىپ قىزمەت اتقارادى ەكەن.
«قاسىنداعى ازاماتشا شاي قويۋعا شىعىپ كەتكەندە, كەلىنشەك پەرزەنتحانا تەرەزەسىن سىندىرىپ, نارەستەسىمەن بىرگە ەكىنشى قاباتتان سەكىرگەن. قازىر بۇل انا وبلىستىق اۋرۋحانادا جاتىر. دارىگەرلەر وعان جاقىن ارادا وتا جاسايدى»,- دەيدى اقمولا وبلىسىنداعى پەريناتالدىق ورتالىقتىڭ ءبولىم مەڭگەرۋشىسى ايىمگۇل ماحانوۆا.
باقىتبەك كەنەش ۇلى.
دەرەككوز: «قازاقستان» تەلەارناسى
فوتو: «قازاقستان» تەلەارناسى.
