مەملەكەت باسشىسى نۇرسۇلتان نازارباەۆ قازاقستاندىقتاردى روجدەستۆو مەرەكەسىمەن قۇتتىقتادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ قازاقستاندىقتاردى روجدەستۆو مەرەكەسىمەن قۇتتىقتادى, دەپ حابارلادى پرەزيدەنتتىڭ ءباسپاسوز قىزمەتى.
پراۆوسلاۆيە حريستياندارىن جانە بارشا قازاقستاندىقتاردى شۋاقتى مەرەكە – روجدەستۆومەن شىن جۇرەكتەن قۇتتىقتايمىن! بۇل مەرەكە كوپتەگەن عاسىرلار بويى ادامداردىڭ جۇرەگىن ەڭ جارقىن سەزىمدەرگە – جاقىنىڭا دەگەن سۇيىسپەنشىلىك پەن مەيىرىمگە تولتىرىپ, ۇنەمى بەيبىتشىلىك پەن جاقسىلىققا, ىزگى نيەت پەن يگى ىستەرگە جەتەلەپ كەلەدى. بۇل ماڭگىلىك رۋحاني قۇندىلىقتار بارلىق دىندەردىڭ وكىلدەرىن بىرىكتىرەدى. ولار قازاقستاننىڭ بۇكىل جەتىستىكتەرى مەن دامۋىنىڭ بەرىك نەگىزى بولىپ سانالادى, دەلىنگەن پرەزيدەنتتىڭ قۇتتىقتاۋىندا.
مەملەكەت باسشىسى, سونداي-اق, بولاشاققا باعىت ۇستاعان ەلىمىزدىڭ قايتالانباس كەلبەتىن قالىپتاستىرا وتىرىپ, ءتۇرلى مادەنيەتتەر مەن سالت-داستۇرلەر ءبىر-ءبىرىن بايىتىپ جاتقان ءبىزدىڭ قوعامنىڭ كۇشى بەيبىتشىلىك پەن كەلىسىم ىرگەتاسىنا تابان تىرەيتىنىن اتاپ كورسەتەدى. قازاقستان بارلىق ەتنوستاردىڭ وزىندىك جارقىن بولمىسى مەن بەكەم بىرلىگى اراسىنداعى ۇيلەسىمدىلىكتى ساقتاپ, الەۋمەتتىك-ەكونوميكالىق دامۋدى نىعايتا وتىرىپ, قارىشتاپ العا باسىپ كەلەدى, دەيدى ءوزىنىڭ قۇتتىقتاۋىندا پرەزيدەنت.
روجدەستۆونى مەرەكەلەۋ ءىزگىلىكپەن جانە يگى ىستەرمەن بايلانىستى. بۇل ءوزارا كومەك ءداستۇرى مەن ءوزارا سىي-قۇرمەتتى ءاردايىم باستى ورىنعا قوياتىن بارشا حالقىمىز ءۇشىن ماڭىزدى. تاۋەلسىزدىكتىڭ العاشقى كۇندەرىنەن باستاپ تولەرانتتىلىق پەن كونفەسسياارالىق ۇنقاتىسۋ قازاقستاننىڭ نەگىزگى باسىمدىعى بولىپ كەلەدى. ءبىز پراۆوسلاۆيەنى ۇستاناتىن وتانداستارىمىزدىڭ ورتاق وتانىمىز – قازاقستان رەسپۋبليكاسىنىڭ الەۋمەتتىك, ەكونوميكالىق جانە رۋحاني دامۋىنا قوسقان ۇلەسىن جوعارى باعالايمىز, دەلىنگەن پرەزيدەنتتىڭ قۇتتىقتاۋىندا.
مەملەكەت باسشىسى قۇتتىقتاۋىنىڭ سوڭىندا وسى ىزگى مەرەكەدە بارشاعا تاتۋلىق پەن سۇيىسپەنشىلىك, باقىت, يگىلىك پەن باق-بەرەكە تىلەيدى.
