وتكەن جىل جەتىسۋ جەرى ءۇشىن جەتىستىككە تولى جىل بولدى. ادام ءومىرىن قۋانىشىمەن, شاتتىعىمەن گۇلدەندىرەتىن باسپانا ماسەلەسى الماتى وبلىسىندا مەملەكەتتىك ساياساتقا ساي وڭ شەشىمىن تابۋدا. تەك تالدىقورعان قالاسىندا جىلان جىلى بارلىعى 270 پاتەردەن تۇراتىن 6 كوپقاباتتى تۇرعىن ءۇي پايدالانۋعا بەرىلدى.
وتكەن جىل جەتىسۋ جەرى ءۇشىن جەتىستىككە تولى جىل بولدى. ادام ءومىرىن قۋانىشىمەن, شاتتىعىمەن گۇلدەندىرەتىن باسپانا ماسەلەسى الماتى وبلىسىندا مەملەكەتتىك ساياساتقا ساي وڭ شەشىمىن تابۋدا. تەك تالدىقورعان قالاسىندا جىلان جىلى بارلىعى 270 پاتەردەن تۇراتىن 6 كوپقاباتتى تۇرعىن ءۇي پايدالانۋعا بەرىلدى. «قولجەتىمدى تۇرعىن ءۇي-2020» مەملەكەتتىك باعدارلاماسى, «تۇرعىن ءۇي قۇرىلىس جيناق بانكى» باعدارلاماسى اياسىندا سالىنىپ, كوممۋنالدىق, نەسيەلىك بولىپ بولىنەتىن باسپانالار نەگىزىنەن الەۋمەتتىك جاعىنان از قامتاماسىز ەتىلگەن وتباسىلارىنا, ۇوس جانە ەڭبەك ارداگەرلەرىنە, اۋعان سوعىسىنا قاتىسۋشىلارعا, مۇگەدەكتەرگە, اسكەريلەر مەن پوليتسەيلەرگە جانە بيۋدجەتتىك سالا قىزمەتكەرلەرىنە ءبولىندى. ال وتكەن جىلدىڭ سوڭعى كۇنى كىلتى تاپسىرىلعان 60 پاتەر الەۋمەتتىك جاعىنان از قامتاماسىز ەتىلگەن وتباسىلارىن, ناقتىلاي تۇسسەك, 2 جىل زاڭدى نەكەدە تۇرعان 29 جاسقا دەيىنگى جاس وتباسىن باسپانالى بولۋ باقىتىنا بولەدى. بالالارىن جەتەلەپ, باسىم بولىگى كوتەرىپ اكەلگەن سول جاستارعا الماتى وبلىسىنىڭ اكىمى اڭسار مۇساحانوۆ پاتەر كىلتىن تاپسىرۋمەن شەكتەلمەي, بۇلدىرشىندەرىنە جاڭا جىلدىق سىيلىق رەتىندە قورابىمەن سان الۋان كونفەتتەر ۇلەستىرىپ, شادىمان-شاتتىق سىيلادى. مۇندايدا قازاق «قۋانسا – بالا قۋانسىن» دەپ ءدوپ باسىپ ايتقان عوي. شىڭىلتىر ايازدى ەلەمەگەن بالالار كۇلكىسى كوڭىلدەرگە قۋانىش نۇرىن قۇيدى.
نۇربول الدىباەۆ,
«ەگەمەن قازاقستان».
الماتى وبلىسى.
