*وسى كۇندەرى «استانا ەكسپو-2017» حالىقارالىق مامانداندىرىلعان كورمەسىنە دايىندىق قىزۋ ءجۇرىپ جاتىر. وعان 5,5 ميلليونعا جۋىق ادام كەلەدى دەلىنۋدە. وسىعان بايلانىستى استانادا 2017 جىلعا قاراي 38 قوناقۇي سالۋ جوسپارلانىپ وتىر. بۇگىندە قالادا 75 قوناقۇي رەسمي تىركەلىپ, جۇمىس ىستەۋدە. سونىڭ ىشىندە تورتەۋىندە 150 جانە ودان كوپ ءنومىر بولسا, قالعان قوناقۇيلەردە 4-30 نومىردەن عانا بار.
*وسى كۇندەرى «استانا ەكسپو-2017» حالىقارالىق مامانداندىرىلعان كورمەسىنە دايىندىق قىزۋ ءجۇرىپ جاتىر. وعان 5,5 ميلليونعا جۋىق ادام كەلەدى دەلىنۋدە. وسىعان بايلانىستى استانادا 2017 جىلعا قاراي 38 قوناقۇي سالۋ جوسپارلانىپ وتىر. بۇگىندە قالادا 75 قوناقۇي رەسمي تىركەلىپ, جۇمىس ىستەۋدە. سونىڭ ىشىندە تورتەۋىندە 150 جانە ودان كوپ ءنومىر بولسا, قالعان قوناقۇيلەردە 4-30 نومىردەن عانا بار.
*بيىل قىزىلوردا وبلىسىندا جەتىم بالالارعا, اتا-انانىڭ قامقورلىعىنسىز قالعان بالالارعا ارنالعان وتباسىلىق اۋىل سالىنادى. بالالار اۋىلى 10-12 وتباسىلىق ۇيدەن قۇرالاتىن بولادى. ءار ءۇي 18 جاسقا دەيىنگى 7-10 بالاعا دەيىن ۇلى مەن قىزى ارالاس تۇراتىن وتباسىنا ارنالادى.
*ەلىمىز شەكارا قىزمەتكەرلەرى 2 كيلو التىندى زاڭسىز الىپ وتپەك بولعان 33 جاستاعى قازاقستان ازاماتىن ۇستادى. قازاقستاندىقتى «ورال شەكارا وتريادىنا قاراستى «جايىق» باقىلاۋ-وتكىزۋ بەكەتىنىڭ باقىلاۋشىلارى ماسكەۋ – الماتى باعىتىنداعى جولاۋشىلار پويىزىن تەكسەرۋ كەزىندە ۇستاعان. مۇنى ۇلتتىق قاۋىپسىزدىك كوميتەتىنىڭ ءباسپاسوز قىزمەتى حابارلادى. سىرعا, جۇزىك سەكىلدى التىننان جاسالعان بۇيىمداردىڭ جالپى قۇنى 10 ملن. تەڭگەگە جۋىقتايدى ەكەن.
*اقمولا وبلىسى كىندىكقاراعاي اۋىلىنىڭ تۇرعىنى اقايدار دايىروۆ حيميالىق قوسپاسىز پيما تىگۋ ءىسىن قولعا الدى. ول ءۇيىنىڭ جانىنان اشىلعان شاعىن تسەحتا كۇنىنە 2-3 جۇپ پيما تىگىپ شىعارادى. بۇل ازامات ەلەكتر قۋاتىن ءتيىمدى پايدالانادى, ياعني پيما باسۋعا ارنالعان ىستىق سۋدى ونى كەپتىرۋگە قايتا قولدانادى. بۇل وتباسى الداعى ۋاقىتتا جەرگىلىكتى بيلىك تاراپىنان قولداۋ كورسەتىلسە, پيما زاۋىتىن اشۋدى كوزدەپ وتىر. ويتكەنى, سولتۇستىك ايماققا اسا قاجەتتى وسى جىلى اياق كيىمنىڭ 85 پايىزى قازىر رەسەيدەن تاسىمالدانۋدا.
*ەلىمىز اۋماعىنداعى جولداردا ءارتۇرلى جاعدايلارمەن قالىپ قويعان 120 جولاۋشىعا كومەك كورسەتىلدى. اقمولا وبلىستىق توتەنشە جاعدايلار دەپارتامەنتىنىڭ حابارلاۋىنشا, استانا – شىدەرتى باعىتىنداعى تاس جولدىڭ 118-ءشى شاقىرىمىندا اۆتوبۋس بۇزىلىپ, قۇتقارۋشىلار 50 جولاۋشىنى دىتتەگەن جەرىنە جەتكىزگەن. ولار سونداي-اق, پاۆلودارعا قاراي جولعا شىعىپ, استانا – پاۆلودار تراسساسىندا توقتاپ قالعان كولىكتەگى 30 جولاۋشىعا دا كومەك كورسەتكەن. شىعىس قازاقستان وبلىسىنىڭ زايسان قالاسىنان استاناعا قاراي بەت العان ءۇشىنشى اۆتوبۋس اقمولا وبلىسىنىڭ تسەلينوگراد اۋدانى ماڭىندا قاتتى ايازعا شىداس بەرمەي, جارتى جولدا بۇزىلىپ قالعان. وسى اۆتوبۋستا بولعان 40 جولاۋشىعا باسقا كولىك ءبولىندى.
*الماتىلىق كاسىپكەر ەدىگە يبرايىموۆ قازاقتىڭ كيىز ءۇيىن جاڭا تەحنولوگيالارمەن جابدىقتاپ, ەكولوگيالىق تۇرعىدان تازا, ءارى ارزان قوناق ۇيگە اينالدىرۋدى ماقسات ەتىپ وتىر. ول كيىز ءۇيدى شەتەلدىك تۋريستەردى تارتاتىن تابىس كوزى دەپ بىلەدى. «قازاق ءۇي» دەپ اتالاتىن بۇل قوناقۇي كەشەنىنە جاڭا جابدىقتار ورناتىلادى. ونىڭ جاساعان جوباسى نەگىزىندە كيىز ۇيدە كۇن ەنەرگياسىنان ەلەكتر قۋاتىن وندىرەتىن شاعىن ستانسا, بايلانىس پەن كومپيۋتەر جەلىسى, باسقارۋ جانە قاۋىپسىزدىك جۇيەسى, اۋا تەمپەراتۋراسىن رەتتەۋ قۇرالدارى بولادى. بۇل قوناق ۇيلەردى كاسىپكەر ومبى – مايقاپشاعاي, الماتى – وسكەمەن تاس جولدارى بويىنا ورنالاستىرماق.
*كاسپي تەڭىزىنە اققۋلار كەلە باستادى. قازىر تەڭىز جاعالاۋىنا كۇن سۋىقتا جەتەتىن جىل قۇستارىن تاماشالاۋعا جۇرتشىلىق اسىعۋدا. تۇلا بويىنا سۇلۋلىق تۇنعان قۇس پاتشاسى – اققۋ كىرشىكسىز تازالىقتىڭ, قىلاۋسىز پاكتىكتىڭ سيمۆولى. اققۋدىڭ سالماعى – 7-13 كيلو. قاناتىنىڭ قۇلاشى – 1,5 مەتر. ەرەكشە ۇزىن دا اسەم موينىن تىك ۇستايدى. سارعىش قىزىل تۇمسىعىنىڭ ۇشى قارا ءتۇستى. مۇنداي سۇلۋلىقتى كورۋ ءۇشىن ات ارىتىپ الىستان كەلەتىندەر كوپ.
«قازاقپارات», Egemen.kz حابارلارى بويىنشا دايىندالدى.
